Vüqar Muradov aparıcını söydü - Çəkilişdə biabırçılıq


Vüqar Muradov aparıcını söydü - Çəkilişdə biabırçılıq

Font ölçüsü

SPACE telekanalında, aparıcı Şəbnəm Turanın təqdimatında yayımlanan "Nahara qədər dedi-qodu" verilişinin çəkilişi zamanı insident yaşanıb.

Dosye.org yenicag.az-a istinadən xəbər verir ki, çəkilişdə qonaq olan müğənni Vüqar Muradovla aparıcı arasında dava düşüb. Buna Ş.Turanın müğənniyə estetik əməliyyatla bağlı verdiyi sual səbəb olub. Sualdan qəzəblənən Vüqar özündən çıxaraq ayağa qalxıb, söyüş söyüb, aparıcını təhqirlərə məruz qoyaraq, studiyanı tərk edib. "Bu saat buraları dağıdaram, mənə belə sual verən adamı yox edərəm" deyən müğənni çəkiliş heyəti tərəfindən güclə sakitləşdirilib və yenidən studiyaya qaytarılıb.

Məsələ ilə bağlı verilişin aparıcısı Şəbnəm Turanla əlaqə saxladıq. O, xəbəri təsdiqlədi:

"Bəli, təəssüf ki, verilişin çəkilişi zamanı belə bir xoşagəlməz hadisə yaşandı. Mən aparıcıyam, qonağıma istənilən sualı verməyə ixtiyarım var. Vüqara estetik əməliyyatla bağlı sual verdim. Özündən çıxdı, "vuraram, yıxaram" deyib, studiyanı tərk etdi. Ona yalvaran da olmadı ki, geri qayıt. Özündən çıxdığı kimi də sakitləşərək studiyaya qayıtdı. Əslində, burada qızışmağa da ehtiyac yox idi.

Vaxtilə "Yeni ulduz" layihəsində oxuduğu zaman münsif Ruhəngiz Qasımova da ona demişdi ki, Vüqar, üzündə estetik əməliyyat etdirsən, yaxşı olar. Vüqar özü də dəfələrlə efirlərdə bununla bağlı danışıb. Mən anlaya bilmirəm ki, sualım niyə onu belə özündən çıxartdı? Bu müğənnilər belədir. Vaxtilə özlərini reklam etdirmək üçün kameralardan sallanırdılar, indi göylə gedirlər". 

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.