Tale Bağırovun müavini özünə ömürlük iş istədi


Tale Bağırovun müavini özünə ömürlük iş istədi

Font ölçüsü

Bu gün Bakı Ağır Cinayətlər Məhkəməsində "Nardaran hadisələri"nə görə təqsirləndirilən Taleh Bağırov, Fuad Qəhrəmanlı və digər 16 nəfərin cinayət işi üzrə məhkəmə prosesi davam etdirilib.

"Qafqazinfo"nun verdiyi xəbərə görə, hakim Əlövsət Abbasovun sədrliyi ilə keçirilən prosesdə müdafiə çıxışları edilib.

Təqsirləndirilən şəxslərdən biri Aqil İsmayılov son söz deyərək hadisə ilə bağlı günahı olmadığını deyib.

Digər təqsirləndirilən Abbas Hüseynov isə özünə öümürlük cəza istəyib: "Mənə ən ağır, ömürlük cəza verilsin. Burdakılardan ən çox ittiham olunan da mənəm".

Təqsirləndirilənlər - İbrahim Xudaverdiyev və Cabbar Cabbarov da polisə müqavimət göstərmədiklərini, günahsız olduqlarını deyiblər.

Məhkəmə prosesi yanvarın 16-da davam etdiriləcək.

Qeyd edək ki, ötən prosesdə çıxış edən prokuror T.Bağırovun ömürlük, Fuad Qəhrəmanlının 11 il, Abbas Hüseynovun 20 il, Cabbar Cabbarovun 19 il, Rasim Cəbrayılovun 17 il, Ramin Yarıyevin 10 il, Zakir Mustafayev, Cahad Babakişizadə, Şamil Abduləliyev, Aqil İsmayılov, Abbas Quliyev, İbrahim Xudaverdiyev, Etibar İsmayılov, Bəhruz Əskərov, Əli Nuriyev, Əlibala Vəliyev, Fərhad Balayev və Abbas Tağızadənin hər birinin 15 il müddətinə azadlıqdan məhrum edilmələrini istəyib.

Dosye.az

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 81 02: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.