Cəmiyyət


İki övlad anasının 3 ay ömrü qalıb - KÖMƏK EDƏK!

40 yaşlı Quliyeva Vüsalə Nüsrət qızı bir neçə ildir kəskin qaraciyər serrozundan əziyyət çəkir.

Qazax şəhəri, Azadlıq küçəsi ev 72-də, yaşayan Quliyeva Vüsalə Nüsrət qız ölüm ayağındadır. Qaraciyər serrozundan əziyyət çəkən iki uşaq anası, ixtisasca müəllimə olan Vüsalə Prezident İlham Əliyevdən və bütün imkanı olan şəxslərdən kömək istəyir.

Diaqnozlar arasında qaraciyər xəstəliyi ilə bağlı rəy olmadığını deyən Vüsalə Quliyeva deyir ki, bir neçə il əvvəl gecə saatlarında qəflətən vəziyyəti pisləşir: "Ciddi ağrılar hiss etmirdim. Amma nəfəs almağım çox çətinləşmişdi. Məni ultrasəs müayinəsinə apardılar. Orda diaqnoz qoyuldu ki, qarnıma maye yığılıb. Həcmi o qədər böyük idi ki, nəfəs ala bilmirdim. Müayinədən sonra evə gəldim. Gecə yenə vəziyyətim pisləşdi. Təcili yardım çağırdılar və xəstəxanaya yerləşdirildim".

Vüsaləyə serroz diaqnozu da 2017-ci ildə qoyulub: "İlk olaraq xəstəliklə bağlı Qazaxda müalicə almışam. Müalicədən sonra su çəkildi. Mütəmadi müalicələrim başladı. Amma müalicələr əvvəlki kimi effekt vermədi. Həkim dedi ki, artıq mənim edəcəyim bir şey yoxdur. Bizə cərrahla görüşməyi məsləhət gördü. Biz də getdik cərrahla görüşdük. Düşündük ki, bəlkə əməliyyatlıq deyil, müalicə ilə sağalar. Amma yenə də eyni diaqnoz qoyuldu. Dedilər qaraciyər bitib. Təcili olaraq 3 ay müddətində qaraciyər köçürülməlidir".

Hazırda Vüsalə özünü çox pis hiss edir. Zəifdir, hemoqlobinin səviyyəsi aşağı olduğundan, demək olar ki, sərbəst gəzə də bilmir, başgicəllənmələrindən, iştahasızlıqdan əziyyət çəkir.

"Səhhətim yaxşı deyil. Mənə qaraciyərin kəskin serrozu diaqnozu qoyulub. Qaraciyər köçürülməsinə ehtiyacım var. Bunun üçün Prezident İlham Əliyevə və bütün imkanı olan şəxslərə müraciət edirəm, həyatıma biganə qalmasınlar".

Qeyd edək ki, qaraciyər insan orqanizminin ən mürəkkəb və metabolik olaraq fəal orqanı hesab edilir. Qaraciyərə regenerasiya xüsusiyyəti xasdır və o, hətta öz kütləsinin 70% itirdikdə belə bərpa olmağa qadirdir. Sağlam qaraciyər kifayət qədər böyük həcmə malikdir, o, hətta 7-% həcminin çıxarılması halında da orqanizm üçün kifayət qədər fəaliyyət göstərmək iqtidarındadır.

Qaraciyər köçürülməsi dedikdə xəstənin çıxarılmış qaraciyəri mövqeyinə donor orqanının yerləşdirilməsi başa düşülür. Əmək sərf edilməsi, texniki mürəkkəbliyi və zədələnməsinə görə qarın boşluğu orqanlarının ən mürəkkəb cərrahi müdaxilə əməliyyatı hesab olunur və xüsusi şərait və biliklərin mövcudluğunu tələb edir.

Dosye.org

Bakıda itkin düşmüş 86 yaşlı qoca tapıldı

1932-ci il təvəllüdlü Məmmədov Əli Həsənqulu oğlu bir neçə gün bundan əvvəl Sabunçu rayonu ərazisində evdən çıxaraq geri qayıtmayıb. Bu səbəbdən yaxınları onun axtarışına başlayıblar.

İtkin düşmüş şəxsin oğlu əməkdaşımıza bildirib ki, Ə. Məmmədov artıq tapılıb. Qeyd edək ki, qoca alzeymer xəstəliyindən əziyyət çəkir.

Dosye.org

Bakının bəzi rayonlarında qazın verilişində- fasilələr yaranacaq

Ziya Bünyadov prospektində diametri 530 mm-lik qaz xəttində aşkar olunmuş qaz sızmalarının ləğvi və Təbriz küçəsində diametri 315mm-lik yeni çəkilmiş polietilen qaz xəttinin mövcud şəbəkəyə qoşulması ilə əlaqədar 23 may 2018-ci il tarixdə saat 09:00-dan təmir işləri tamamlananadək Nərimanov rayonunun bir hissəsində təbii qazın verilişində fasilələr yaranacaq.

Gununsesi.info BakuPost-a istinadən bildirir ki, Azəriqaz İB-dən verilən məlumata görə, görülən işlərin Binəqədi rayonu Dərnəgül qəsəbəsi, 31/26-cı məhəllə eləcə də 7 və 8-ci mikrorayonların bir hissəsinin qaz təchizatına təsir göstərməsi mümkündür.

“Aparılan təmir işləri gün ərzində yekunlaşdırılaraq təbii qazın verilişi təmin ediləcək. Yaranacaq məhdudiyyətlə bağlı “Azəriqaz” İstehsalat Birliyi bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir”, – deyə məlumatda vurğulanıb.

Dosye.org

Azərbaycanda orta məktəblərə yeni səlahiyyət verilir

Azərbaycanda ümumtəhsil müəssisələrinə beynəlxalq səviyyədə akkreditasiya olunan təhsil proqramlarının ödənişli əsaslarla təşkil edilməsi səlahiyyəti verilir. Dosye.org Modern.az-a istinadən məlumatına görə, bununla bağlı “Təhsil haqqında” qanunun 19-cu maddəsinə dəyişiklik edilir.

Maddənin 18-ci bəndinə əsasən, tam orta təhsil ümumi təhsilin hər üç səviyyəsini əhatə edən təhsil proqramlarının tam mənimsənilməsini nəzərdə tutur. Dövlət təhsil müəssisələrində tam orta təhsil pulsuzdur. Əlavəyə əsasən isə dövlət təhsil müəssisələri dövlət standartlarından əlavə tədris beynəlxalq səviyyədə akkreditasiya olunan təhsil proqramlarını ödənişli əsaslarla təşkil etmək hüququna malikdirlər.

Dosye.org

Ürəyi cavanlaşdırmağın asan yolu

ABŞ-ın Texas universitetinin alimləri həftədə 4-5 dəfə idmanla məşğul olmağın ürəyin qocalmasının qarşısını aldığını müəyyən edib.

Bu barədə elmi məqalə “The Journal of Physiology” jurnalında nəşr olunub.

Tədqiqatda yaşı 60-dan çox olan 102 nəfər iştirak edib. Onlar fiziki hazırlıq səviyyəsindən asılı olaraq dörd qrupa bölünüb. Birinci qrupa oturaq həyat tərzi sürən könüllülər daxil edilib, ikinci qrupa ara-sıra idman edən, üçüncü və dördüncü qrupa isə müvafiq olaraq həftədə 4-5 və 6-7 dəfə otuz dəqiqə ərzində fiziki hərəkətlər yerinə yetirən insanlar daxil olub.

Məlum olub ki, hətta orta səviyyəli fiziki yüklənmə (həftədə 2-3 dəfə) belə, boyun və baş toxumalarını oksigenlə təmin edən orta ölçülü gənc qan damarlarının formalaşmasına gətirib çıxarır. Daha aktiv həyat tərzi döş qəfəsi və qarın nahiyəsində arteriya damarlarının zənginləşməsi və genişlənməsi ilə ilə nəticələnib.(oxu/az)

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.