Cəmiyyət


"Azərişıq"dan borclu abunəçilərə - XƏBƏRDARLIQ

"Azərişıq" ASC-nin fəaliyəti dövründə debitor borcu yaranmış abonentlərin elektrik enerjisi təchizatı 19 dekabr 2017-ci il tarixindən, saat 12:00-dan etibarən "Elektrik enerjisindən istifadə Qaydaları"na uyğun olaraq qeyd-şərtsiz və fərdi qaydada dayandırılacaq.

Bu barədə ANV.AZ-a ASC-dən məlumat verilib.

Elektrik enerjisindən istifadəyə görə yaranmış borcla əlaqədar enerji təchizatı dayandırılmış abonentlərin "Borc Ödənilmədən Şəbəkəyə Özbaşına Qoşulma"sı elektrik enerjisinin talanması və elektrik enerjisindən qanunsuz istifadə sayıldığından, belə hallara yol vermiş istehlakcilara qarşı Azərbaycan Respublikası Qanunvericiliyinə uyğun olaraq "Azərişıq" ASC tərəfindən ciddi tədbirlər görüləcək.

Dosye.org

Nəsimidə 320 ailə qazsız qalıb

Nəsimi rayonu, Ceyhun Səlimov küçəsi 16 ünvanında yaşayan 320 ailə 8 ildir ki, qazsız qalıb. "Günəşli" MTK-nin inşa etdiyi binadan mənzil alan vətəndaşlarla bağlanan müqaviləyə görə, tikinti şirkəti qaz, su, kanalizasiya çəkilişi barədə öhdəlik götürsə də, vədinə əməl etmir.

Modern.az  xəbər verir ki, vətəndaşların haqlı narazılığına səbəb olan bu hal dəfələrlə bina sakinlərinin etirazına, qalmaqalına gətirib çıxarıb. 

Qarşıdurmalar yaranıb. Binanın qızdırılması üçün ortaq bir yol müəyyənləşdirilərək mərkəzi istilik sisteminə qoşulmaq üçün vətəndaşlardan mənzilin sahəsinin ölçüsünə uyğun vəsait toplanılıb. Hər bir sakin 150-1000 manat miqdarında vəsait ödəyib.

Qış aylarında mənzillər istiliklə təmin olunsa da, vətəndaşlar qaz balonlarına möhtac qalıb, hər an təhlükə törədəcək vəziyyətlə üzləşib.

8 ay öncə isə qaz probleminin həlli üçün "Azəriqaz"la danışıqlar aparıldığını və ümumi razılıq əldə olunduğunu əsas gətirərək podratçı təşkilat olaraq "VİP" təmir-tikinti şirkəti ilə müqavilə bağlanılıb.

Bunun üçün hər bir vətəndaşdan 350 manat vəsait yığılıb. Bu müddət keçməsinə, artıq qışın sərt günlərinin gəlməsinə baxmayaraq hələ də sakinlər nə vaxt qazla təmin olunacağını bilmir.

"VİP" təşkilatına 32 min manat vəsait ödənilib, amma qaz nəql edən boru xətlərindəki nasazlığı əsas gətirərək günahı vətəndaşların boyuna yıxılır. Bəzi mənzillərdə insanların yaşamaması qapıların bağlı olması əsas gətirilir.

Binanın "Azəriqaz"a olan ötənilki borcuna görə isə mərkəzi istilik sisteminə qaz verilişi dayandırıldığından 320 ailə bu soyuq qış günü əsl yaşamaq mücadiləsi verir.

Binanın problemlərinin həlli üçün kənardan-kənara "məsləhətlər" verən MTK sədrinin isə harada olduğu bilinmir.

Dosye.org

"Azadlıq" prospektində qarşı yola çıxan 2800 sürücü cərimələndi

Bakıda "Azadlıq" prospektinin Binəqədi rayonu ərazisindən keçən hissəsində uzunluğu bir neçə kilometrə çatan böyük tıxac əmələ gəlib.

Dosye.org "Report"a istinadən xəbər verir ki, artıq bir aya yaxındır mütəmadi olaraq təkrarlanan hadisəyə prospektin Binəqədi kəndi istiqamətində olan hissəsində aparılan əsaslı təmir-tikinti işləri ilə yanaşı bir çox sürücünün yolun əks istiqamətinə çıxaraq qarşıdan gələn avtomobillərin hərəkətini əngəlləməsi səbəb olur.

Hadisə yerində xidmət aparan Yol Patrul Xidməti müfəttişinin "Report"a verdiyi məlumata görə, gün ərzində Azadlıq prospektinin Novxanı qəsəbəsi istiqamətində olan hissəsində əks yola çıxan 2800-dən çox avtomobil müşahidə kameralarına düşüb. Onun sözlərinə görə, yol hərəkəti qaydasını kobud şəkildə pozan sözügedən sürücülər barəsində 100 manat 4 bal olmaqla protokol tərtib olunacaq.

Dosye.org

Polisin ictimai təhlükəsizliklə bağlı hüquqları artırılır

Azərbaycanda polisin ictimai qaydanı və təhlükəsizliyi təmin etmə ilə bağlı hüquqları artırılır.

Bununla bağlı “Polis haqqında” qanunun 18-ci (İctimai qaydanın və ictimai təhlükəsizliyin təmine dilməsi sahəsində polis əməkdaşının hüquqları) maddəsinə dəyişiklik təklif edilir. Dəyişikliyə əsasən inzibati xəta törətmiş şəxs barəsində eyni zamanda axtarış aparmaq da polisin hüquqlarına aid olacaq.

Layihə Milli Məclisin dekabrın 15-də keçiriləcək plenar iclasında müzakirəyə çıxarılacaq.

Dosye.org

CAZİBƏDAR OMBALAR: Azərbaycanda da bunun üçün plastik əməliyyata gedən xanımlar artıb

Qadın bədənini gözəl göstərən yerlərindən biri də ombalarıdır. Möhkəm və dik ombalar az qala hər qadının arzusudur. Belə deyirlər ki, mükəmməl ombalara sahib olan qadın geyindiyi istənilən şalvar ya da ətəklə xoş və yaraşıqlı görünür.

Ombalar həm də qadınları ehtiraslandıran bədən nahiyəsidir. Onlar ombalarına təmas edilməsindən, oxşanmasından olduqca zövq alarlar. Sevişmənin daha da coşğun olduğu sırada qadının ombalarınına sığal çəkmək onu dəli edəcək qədər ehtiraslandıra bilər.

Aparılan sorğular da göstərib ki, bəzi qadınlar ombaları üçün deyilən xoş sözlərə biganə qalmırlar. Onlar ombasının gözəl göründüyünə əmin olmaq istəyir.

Təsadüfi deyil ki, bəzi gözəllik yarışmalarında müsabiqəyə qatılan qızların omba görünüşünə xüsusi qiymət verilir. Braziliyanın San-Paulu şəhərində isə hər il ənənəvi "Miss Bumbum" gözəllik müsabiqəsi keçirilir ki, bu yarışmada ən gözəl ombaları olan xanımlar qalib seçilir.

Gözəl formalı ombalara sahib olmaq hər bir qadının arzusu olsa da, gerçəklik heç vaxt istəklərlə üst-üstə düşmür. Bu səbəbdən cazibədar görünüş istəyən bəzi qadınlar yaraşıqlı ombalar naminə plastik əməliyyata belə, getməyə hazırdırlar.

Son vaxtlar böyük ombalar belə deyək ki, dəbə minib. Bu səbəbdən yan əzələlərini (arxanı) böyütmək üçün bir çox qadınlar müxtəlif üsullara əl atırlar: xüsusi idman hərəkətləri edirlər, bu məqsədlə buraxılan xüsusi cins şalvarlar geyinirlər ya da əməliyyata razılaşırlar.

Yeri gəlmişkən, ombalar bədəndəki ən çox əzələ toxumasının olduğu yerlərdir. Bunu nəzərə alan bəzi mütəxəssislər ombaları idmanla istədiyiniz formaya sala bilməyin mümkünlüyünü bildirir və qadınlara tövsiyə edirlər ki, cazibədarlığı artırmaq, iri və ideal ombalara sahib üçün vaxt tapdıqca idmanla məşğul olsunlar.

Daha dolğun və düzgün omba istəyənlər üçün "Braziliya üsulu ilə omba estetik əməliyyatı" da yaxşı çarə sayılır.

Bunu tibb üzrə fəlsəfə doktoru, androloq Rauf Rzayev də Modern.az saytının əməkdaşı ilə söhbət zamanı qeyd edib.

O bildirib ki, dünyaya nəzər salanda qadınların plastik əməliyyatlara ildən-ilə çox müraciət etdiyini görmək olar.

“Bunlar burun, sinə və popo (omba) implantıdır. Popo və sinə əməliyyatları qadını daha cəlbedici və cazibədar edən əməliyyatlardır. Dünyada qadınların əksəriyyətində çanaq darlığı müşahidə olunur. Yəni ombalar dar olur. Bu da qadının görünüşünü – bədən quruluşunu bir xeyli pozur. Qadınları daha cəlbedici göstərən onun ombaları, sinəsi və ayaqlarıdır. Kişilərin ilk baxışdan qadına nəzər yetirdiyi yerlər onun sinəsi, ayaqları və ombalarıdır.

İndi dünyada ən məşhur ombalar Braziliya popolarıdır. Çünki Braziliya qadınları çox formalı və fiquralıdırlar”.

R.Rzayev qeyd edib ki, bu səbəbdən omba əməliyyatının adına “Braziliya poposu əməliyyatı”  da deyirlər:

“Omba əməliyyatları zamanı bəzi qadınların yanlarında çuxurlar da olur və onları doldurmaq üçün iplantlardan, yaxud orqanizmin öz piyindən istifadə olunur. Normalda bu çuxurlar bəzi qadınlarda olur. Bu da formanın pozulmasına, daha pis görünməsinə səbəb olur. Bəzi qadınların yanlarına implantlar qoyurlar ki, ombalar daha gözəl görünsün və dik qalsın”.

Doktor R.Rzayev son vaxtlar Azərbaycanda da omba əməliyyatları keçirildiyini və bu cür plastik əməliyyatların hətta artdığını bildirib.

“Belə əməliyyatları etdirən və xarici görkəmini düzəldən xanımlarımızın sayı artıq çoxalıb”.

Müsahibimizin qeyd etdiyi kimi, Braziliya omba əməliyyatlarına görə bütün dünyada məşhurdur. Bu ölkəni dünyaya tanıdan məşhur plastik cərrah və “Braziliya yanbızı” adını almış cərrahiyyə əməliyyatının ilk icraçısı İvo Pitanguy həyatla vidalasa da, artıq əksər ölkələrdə onun ardıcılları çoxalıb. İndi mərhum cərrahın “yanbızdüzəltmə” texnikası pasiyentlər arasında getdikcə daha çox məşhurdur. Dünya cərrahları İvo Pitanguyu ombadüzəltmənin yaradıcısı sayır, onun plastik cərrahiyyəyə töhfə verdiyini vurğulayırlar.

Omba əməliyyatları prosedurunun bir neçə tipi var. Amerika Plastik Cərrahiyyə Cəmiyyətinin bildirdiyinə görə ombaların böyüdülməsi – onların ölçüsünün və formasının pasiyentin yanbızlarına iynə ilə piy köçürülməsi və ya onlara silikon implantının qoyulması ilə dəyişdirilməsidir.

“Braziliya yanbızı” əməliyyatında əsasən piy vurulmasından istifadə olunur. Bu əməliyyat zamanı pasiyent liposaksiya edilir, yəni onun qarın nahiyəsindən sorulub çıxarılan piy, emal edildikdən sonra həmin qadının ombalarına vurulur.

Bunun əksinə olaraq, adi omba cərrahiyə əməliyyatlarında, yanbızların ölçüsü onlardakı artıq piyin və dərinin çıxarılması ilə də müşayiət olunur. Bu əməliyyat adətən əhəmiyyətli həcmdə çəki itirmiş pasiyentlərə tətbiq edilir.

Beynəlxalq Estetik və Kosmetik Cərrahiyyə Cəmiyyətinin məlumatına görə, təkcə 2015-ci ildə dünyada 320 min ombaböyütmə və ombadikəltmə əməliyyatı aparılıb. Bu, 2014-cü illə müqayisədə 30 faiz artım deməkdir.

2016-cı və 2017-ci ildə belə əməliyyatların faiz göstərcisi bir qədər də yüksəlib. Bu əməliyyatlar  ümumən təhlükəsiz sayılır. Lakin bütün cərrahiyyələrdə risk elementi olduğuna görə mütəxəssislər reputasiyalı və səriştəli cərraha müraciət edilməsinin mühümlüyünü vurğulayırlar.

Bədənin daha çox hissəsinin açıq qaldığı isti ölkələrdə omba əməliyyatları xüsusilə populyardır.

Təsadüfi deyil ki, məşhur moda jurnalları da tanınmış xanımların fotosessiyasını hazırlayarkən onları “arxa plandan” gen-bol işıqlandırmağa üstüntünlük verir.

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.