Fakt


9 yaşlı uşaq maşının altında qalaraq can verdi

Bakıda sürücü 9 yaşlı uşağı vurub öldürüb.

Dosye.org qafqazinfo-ya istinadən xəbər verir ki, hadisə mayın 25-də saat 19:30 radələrində paytaxtın Salyan yolu küçəsində baş verib.

Qaradağ rayon sakini, 1988-ci il təvəllüdlü İsmayılov Natiq Ramiz oğlu idarə etdiyi 99 FE 592 nömrəli "Mercedes” markalı avtomobillə yolu keçən piyada, 2009-cu il təvəllüdlü Qurbanov Rəvan Sərxan oğlunu vurub. 9 yaşlı R.Qurbanov hadisə yerindəcə keçinib.

Dosye.org

Bakıda maşın işıq dirəyinə çırpıldı, bir nəfər öldü

Bakıda maşın işıq dirəyinə dəyib.

FHN-dən Modern.az-a verilən məlumata görə, Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Xətai rayonunda “Hyundai” markalı minik avtomobili yol kənarındakı işıq dirəyinə çırpılıb.

Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri sıxılmış vəziyyətdə qalmış 1 nəfərin meyitini (şəxsiyyəti məlum deyil) nəqliyyat vasitəsindən çıxarıb və aidiyyəti üzrə təhvil veriblər.

Əməliyyat başa çatıb.

Dosye.org

Orta məktəbdə biabırçılıq: Müəllim qadınların tualetinə kamera yerləşdirdi

Rusiyanın Komi respublikasında orta məktəbdə baş verən biabırçı hadisə ilə bağlı cinayət işi açılıb.

Dosye.org lenta.ru-ya istinadən xəbər verir ki, kənd məktəblərindən birində müəllim qadınların tualetinə gizli videokamera yerləşdirib. Kameranı məktəblilər tapıb və bu barədə valideynlərinə xəbər veriblər. Valideynlər də öz növbəsində polisə məlumat veriblər. Müəllim kameranı uşaqlara nəzarət üçün yerləşdirdiyini açıqlayıb.

Hazırda müəllimin kimliyi açıqlanmır. Günahı sübuta yetiriləcəyi təqdirdə müəllimi 14 illik həbs cəzası gözləyir.

Faktla bağlı araşdırma aparılır.

Dosye.org

DİN Sabunçuda əməliyyat keçirdi- Silah və narkotik vasitə aşkarlandı

Daxili işlər orqanlarının əməkdaşları tərəfindən keçirilən növbəti əməliyyat nəticəsində üzərində qanunsuz olaraq odlu silah-sursat gəzdirən və narkotik maddələrin alqı-satqısı ilə məşğul olan şəxslər saxlanılıb.

DİN-dən Trend-ə verilən məlumata görə, Sabunçu Rayon Polis İdarəsi Cinayət Axtarış Şöbəsinə paytaxt sakini, əvvəllər məhkum olunmuş Rüfət Quliyevdə odlu silah-sursat olması barədə məlumat daxil olub. İdarə əməkdaşlarının həyata keçirdikləri təxirəsalınmaz əməliyyat tədbiri nəticəsində həmin şəxs saxlanılıb. Onun üzərində hal şahidlərinin iştirakı ilə şəxsi axtarış aparılan zaman 1 ədəd “Makarov” markalı tapança və içərisində 1 ədəd patron olan daraq aşkar olunaraq götürülüb. Saxlanılan şəxs ifadəsində odlu silah-sursatın ona məxsus olduğunu etiraf edib.

İdarə əməkdaşları tərəfindən həyata keçrilən digər əməliyyat nəticəsində narkotik vasitələrin alqı-satqısı və qanunsuz dövriyyəsi ilə məşğul olan daha 3 nəfər saxlanılıb. Nəticədə Bakı şəhər sakinləri əvvəllər məhkum olunmuş Mehrac Zərbalıyev, Tural Quliyev və Gəncə şəhər sakini Ruhin Şabanov saxlanılıb. Onlardan ümumilikdə 12 qrama yaxın narkotik vasitə olan qurudulmuş marixuana, həmçinin 1 ədəd bıçaq aşkar olunaraq götürülüb.

Dosye.org

Bakıda ana və azyaşlı oğlu itkin düşüb

Bakıda ana və azyaşlı oğlu itkin düşüb. Hadisə Xəzər rayonunda baş verib.

Belə ki, Xəzər rayonu Mərdəkan qəsəbəsində yaşayan, 1984-cü il təvəllüdlü Vüsalə Həsənova 7 yaşlı oğlu Adəmlə birlikdə evdən çıxıb və geri qayıtmayıb.

Onların itkin düşməsi ilə bağlı polisə məlumat verilib. Hazırda ana ilə oğlunun axtarışları davam etdirilir. (Report)

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.