İdman


Almeyda millinin heyətindən kənarlaşdırıldı

Bakıda təlim-məşq toplanışında olan Azərbaycan milli komandasının heyətində dəyişiklik baş verib.

Qol.az-ın AFFA-nın saytına istinadən yaydığı xəbərə görə, Riçard Almeyda zədəli olduğu üçün millinin hazırlıq prosesini tərk etməli olub.

Qeyd edək ki, millimiz mayın 29-da Bakı Olimpiya Stadionunda Qırğızıstan milliisi ilə yoldaşlıq görüşü keçirəcək. Qarşılaşma saat 20:00-da başlanacaq.
 
Dosye.org

 

Nağıyev qol vurdu, “Qarabağ Vyana” qalib gəldi

Avstriyanın Şərq Regional Liqasında (3-cü liqa) 34-cü turun oyunları keçirilib.

Qol.az xəbər verir ki, azərbaycanlıların klubu olan “Qarabağ Vyana” səfərdə “Neusiedl”lə qarşılaşıb.

Oyun Vyana təmsilçisinin 4:2 hesablı qələbəsi ilə başa çatıb. "Qarabağ"ın qollarından birini azərbaycanlı futbolçu Dmitri Nağıyev vurub.

 Qeyd edək ki, 56 xalı olan “Qarabağ Vyana” hazırda 16 komanda arasında 5-ci pillədə qərarlaşıb.
 
Dosye.org

"Qarabağ"dan getmirəm" - Donald Gerrye

“Qarabağ”ın yarımmüdafiəçisi Donald Gerrye İtaliya A seriyasının klublarından birinə keçəcəyi ilə bağlı yayılan xəbərlərə münasibət bildirib.

Qol.az-ın məlumatına görə, Haiti millisinin üzvü özünün "İnstaqram" səhifəsi vasitəsilə bu xəbərləri təkzib edib. O, Ağdam klubunda qalacağını bildirib: “İtaliya klubunda oynamaq üçün “Qarabağ”ı tərk edəcəyimi yazırlar. Lakin bu, düzgün informasiya deyil. Mənim klubumla daha bir illik müqaviləm var. "Qarabağ"dan getmirəm”.

Dosye.org

Millimizin heç-heçəsi

20 yaşadək futbolçulardan ibarət mlli komandamız növbəti yoxlama matçına çıxıb.

Qol.az-ın məlumatına görə, Rəşad Sadıqovun rəhbərlik etdiyi yığmamız Makedoniyanın U-20 komandası ilə qarşılaşıb “Dalğa Arena”da keçirilən görüş 1:1 hesablı bərabərliklə başa çatıb.

Dosye.org

Latviya millisinin Azərbaycanla oyun üçün heyəti açıqlandı

Latviya millisinin Estoniya, Litva və Azərbaycanla yoxlama oyunları üçün heyəti açıqlanıb.

Qol.az-ın Latviya Futbol Federasiyasının rəsmi "Tvitter" səhifəsinə istinadən yaydığı xəbərə görə, yığmaya aşağıda adları qeyd olunan futbolçular dəvət edilib:

Qapıçılar: Andris Vanin ("Sürix", İsveçrə), Kasper İksten (RFŞ), Yevgeni Neruqal ("Spartak")

Müdafiəçilər: Vitali Maksimenko ("Termalisa"), Vladislav Qabov ("Pafos"), İqor Tarasov ("Şlensk"), Kaspar Dubra, Roberts Savalnikes, Vyaçeslav İsayev (hamısı RFŞ), Vitali Yaqodinski ("Politexnika"), Qrints Freymanis, Marsis Oşs ("Spartak"), Rayvis Andris Yurkovski ("Liepaya")

Yarımmüdafiəçilər: Ritvars Ruqin ("Ventspils"), Yanis İkaunieks ("Meç"), Qleb Klyuşkin, Aleksanr Fertov (hər ikisi RFŞ), Vladimir Kames ("Yenisey"), Kristian Torres ("Liepaya")

Hücumçular: Valeri Şabala ("Podbeskidze"), Davis İkaunieks ("Vısoçina"), Artur Karaşauskas ("Liepaya"), Vladislav Qutkovski ("Termalisa").

Qeyd edək ki, Latviya – Azərbaycan matçı iyunun 9-u Riqada keçiriləcək.

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.