Mədəniyyət


Leyla Əliyeva yubiley mərasimində - FOTOLAR

Mayın 16-da İçərişəhərdə “Ədibin evi”ndə Azərbaycan xalqının Ümummilli Lideri, müasir dövrün görkəmli ictimai-siyasi xadimi Heydər Əliyevin 95 illiyinə həsr edilən ədəbi-musiqili yubiley mərasimi keçirilib.

Ulu Öndərin nəvəsi, Heydər Əliyev Fondunun vitse-prezidenti Leyla Əliyeva tədbirdə iştirak edib.

Tədbiri açan Əməkdar Artist Nərgiz Cəlilova Azərbaycan söz sənətinin parlaq nümayəndələrindən biri olan Mir Cəlal Paşayevin 20 il bu evdə yaşayıb-yaratdığını diqqətə çatdırıb. Vurğulayıb ki, poeziya, yaradıcılıq ruhu ilə zəngin olan bu evin hər bir guşəsi bu gün Ulu Öndərin şərəfli ömür yolunun nuru ilə yenidən işıqlanıb. O, hamının adından Mir Cəlalın ailə üzvlərinə bu evin qapılarını tədbir iştirakçılarının üzünə açdıqları üçün təşəkkürünü bildirib.

Qeyd olunub ki, ilk bəşər övladının yarandığı gündən saysız-hesabsız insan dünya pəncərəsindən boylanıb keçir. Yalnız Heydər Əliyev kimi son dərəcə əzmkar, mübariz insanlar bütün çətinliklərdən mərd-mərdanə, qələbə çalaraq çıxır və adı ilə tarix yazır.

Mərasimdə Ulu Öndərin zəngin və şərəfli həyat yoluna həsr olunmuş “Heydər Əliyev və incəsənət” adlı film nümayiş etdirilib. Filmdə Ümummilli Liderin Azərbaycanın mədəniyyət və incəsənət xadimləri ilə görüşünə, Azərbaycan musiqisinə, ədəbiyyatına həssas münasibətini əks etdirən kadrlar yer alıb.

Filmin nümayişindən sonra Heydər Əliyevin “Uşaqlar bizim gələcəyimizdir” fikrini xatırladan aparıcı qeyd edib ki, bu ifadə Ümummilli Liderin körpələrimizin sağlamlığı, təhsili, sosial və mənəvi baxımdan təminatı, inkişafı yolunda gördüyü geniş miqyaslı işlərdə dəfələrlə öz təsdiqini tapıb. Onun uşaqlar və gənclərlə bağlı siyasətindəki bu qayğı və diqqət Azərbaycan Prezidenti İlham Əliyev tərəfindən davam etdirilir və zənginləşdirilir.

Daha sonra musiqili-ədəbi proqram təqdim edilib. Respublika İncəsənət Gimnaziyasının, Müslüm Maqomayev adına musiqi məktəbinin istedadlı şagirdlərinin ifasında Azərbaycan şairlərinin şeirləri, bəstəkar və xalq mahnıları səsləndirilib.

Tədbirdə Leyla Bəşirova “Zərifə sevgisi – Heydər sevinci” (Zəlimxan Yaqub), beynəlxalq müsabiqələr laureatı Kənan Babazadə “Ana” (Sevil Əliyeva) və “Elegiya” (Müslüm Maqomayev), Ayla Qafqazlılı “Sevgili canan” və “Sənsiz” (Nizami Gəncəvi), respublika və beynəlxalq müsabiqələr laureatı Səma Həmzəyeva “Sənə də qalmaz” (Tofiq Quliyev), Fikrət Əliyev “Küçələrə su səpmişəm” (xalq mahnısı) və “Leyla” (Rauf Hacıyev), Canəli Canəliyev “Ayağa dur, Azərbaycan” (Məmməd Araz) əsərlərini səsləndiriblər.

Mərasimin maraqlı məqamlarından biri isə Leyla Əliyevanın babasına həsr etdiyi şeirlərini söyləməsi olub. Tamaşaçılar bu ifada Heydər Əliyev ziyasını bir daha duyublar.

Tədbir Süleyman Mahmudovun ifasında “Azərbaycan” mahnısı (Müslüm Maqomayev) ilə başa çatıb.

Dosye.org

Akademik Əhəd Yaqubovun 110 illiyi qeyd olunacaq

Prezident İlham Əliyev Akademik Əhəd Yaqubovun 110 illiyinin qeyd edilməsi haqqında sərəncam imzalayıb.

Qaynarinfo-nun məlumatına görə, sərəncamda bildirilir ki, 2018-ci ilin may ayında görkəmli Azərbaycan alimi, iki dəfə SSRİ Dövlət mükafatı laureatı, geologiya-mineralogiya elmləri doktoru, professor, Azərbaycan Elmlər Akademiyasının həqiqi üzvü Əhəd Ələkbər oğlu Yaqubovun anadan olmasının 110 illiyi tamam olur.

Neft-qaz geologiyası və vulkanologiya sahəsi üzrə qiymətli tədqiqatlar müəllifi akademik Əhəd Yaqubov Azərbaycanın palçıq vulkanlarının kompleks öyrənilməsinin təşkilatçısı kimi şöhrət tapmış, onların ilk atlası və xəritələrinin tərtibinə rəhbərlik etmişdir. Xəzər dənizi neft yataqlarından bir çoxunun kəşfi alimin adı ilə bağlıdır.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, ölkədə geologiya elminin inkişafına mühüm töhfələr vermiş və yüksəkixtisaslı kadrların hazırlanmasında təqdirəlayiq xidmətlər göstərmiş akademik Əhəd Yaqubovun anadan olmasının 110-cu ildönümünün qeyd olunmasını təmin etmək məqsədi ilə qərara alıram:

1. Azərbaycan Milli Elmlər Akademiyası akademik Əhəd Yaqubovun 110 illiyi ilə bağlı tədbirlər planını hazırlayıb həyata keçirsin.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

Dosye.org

Tünzalə Ağayevaya ağır itki

Əməkdar artist Tünzalə Ağayevaya ağır itki üz verib.

"Qafqazinfo" xəbər verir ki, sənətçinin atası Qabil Ağayev bu gün dünyasını dəyişib. O, Bakıda dəfn olunub.

Mərhumun uzun müddətdir xəstəlikdən əziyyət çəkdiyi bildirilir.

Dosye.org

"Bəzən özümü ələ ala bilmirəm" - "Karadeniz"in aktrisası

"Sen Anlat Karadeniz"serialında "Nefes" xarakterini canlandıran aktrisa İrem Helvacıoğlu maraqlı müsahibə verib.

Unikal.org Türkiyə mətbuatına istinadən xəbər verir ki, İrem oynadığı obrazın çətinliyindən danışıb:

"Çox çətinlik çəkirəm. İnanın, "Nefes" olmaq asan deyil. Bütün dünyadakı "Nefes"lərin səsi olmaq, bu şiddətlərin yaşandığını düşünmək mənə əzab verib. Bəzən çəkilən səhnə bitsə də, mən özümü ələ ala bilmirəm, hər səhnə reallığı əks etdirir".

Aktrisa bu xarakterini oynamaq üçünqabaqcadan bir neçə dəfə ssenarini oxuduğunu,bəzi məqamlarda kömək belə istədiyini vurğulayıb:

"Elə olur ki, bir səhnə ürəyimcə olmur. Onu yenidən çəkirik.Sağ olsunlar, Osman Sınav vətərəf müqabillərim mənə çox böyük dəstək olurlar".

Qeyd edək ki, hər həftənin çərşənbə günü "ATV" kanalında yayımlanan serial ilk bölümü ilə böyük tamaşaçı kütləsi toplaya bilib. Reytinqləri alt-üst edən ekran işinin mövzusu 16 yaşında atası tərəfindən biznesmenə (Vedat) satılan qız (Nəfəs) və onu xilas edən Karadenizli bir oğlan (Tahir) haqqındadır.

Rejissoru Osman Sınav olan serialın baş rol ifaçıları Tuna Astepe, İrem Helvacıoğlu, Mehmet Ali Nuroğludur.

Dosye.org

Xalq şairi Zəlimxan Yaqub haqda yeni kitab nəşr olundu

Xalq şairi Zəlimxan Yaqub haqda yeni kitab işıq üzü görüb. Bu günlərdə “Elm və təhsil” nəşriyyatında yüksək poliqrafik tərtibatla çap olunmuş kitabı nəşrə hazırlayan və redaktoru Zəlimxan Yaqub ədəbi irsinin tədqiqatçısı, Əməkdar Mədəniyyət İşçisi Musa Nəbioğludur.

Kitabda 2016-cı il yanvarın 9-da dünyasını dəyişəndən sonra Z.Yaqub haqda respublikamızın tanınmış ictimai-siyasi xadimlərinin, elm və sənət adamlarının yazdıqları yazılar, ona ithaf olunmuş şeirlər toplanıb. M.Nəbioğlu yazdığı “Sənsiz yaşamağa öyrəşmək çətin...” adlı ön sözdə qeyd edir ki, kitabda yer almış məqalə və şeirlərin hamısı Zəlimxan Yaqubun dünyasını dəyişməsindən sonra yazılıb müxtəlif mətbuat orqanlarında nəşr olunanlardır: “Yəni, kitabın tərtibçisi olaraq məxsusi şəkildə kimdənsə şairlə bağlı xatirələrini yazmağı xahiş etməmişəm. Yazıların, şeirlərin hamısı şairin ölümündən kədərlənənlərin ürək çırpıntılarıdır və biz onları müxtəlif mətbuat orqanlarından toplamışıq”.

Millət vəkilləri Əflatun Amaşov, Qənirə Paşayeva və Elşən Musayevin, Xalq şairləri Nəriman Həsənzadə, Fikrət Qoca və Sabir Rüstəmxanlının, professorlardan Qəzənfər Paşayev, Nizaməddin Şəmsizadə və Qulu Məhərrəmlinin, eləcə də Musa Yaqub, Vaqif Bəhmənli, Əbülfət Mədətoğlu, Akif Aşırlı və digərlərinin kitabda yer almış bədii-publisistik yazılarında və şeirlərdə Z.Yaqubun böyük şair olduğu vurğulanmaqla yanaşı, onun xeyirxahlığı, əliaçıqlığı, ona ümid yeri kimi baxanlara hər zaman yardım etməsi, gənc yazarlara qayğısı, kənd və şəhər mədəniyyətlərini ortaq məxrəcə gətirib, ədəbiyyatın, mədəniyyətin, adət-ənənənin kəndlə, şəhərlə ölçülmədiyini, insanlıqda, tərbiyədə və əxlaqda olduğunu sübut etməsi və s. öz əksini tapır.

Xatırladaq ki, şairin sağlığında ona həsr olunmuş elmi-publisistik məqalələrdən ibarət üçcildlik “Zəlimxan Yaqub ədəbi düşüncədə” və ona ithaf olunmuş şeirlərdən ibarət “Zaman bu kəsiri bitirməliydi” adlı kitablar nəşr olunub. Həmin kitabların da nəşrə hazırlayanı və redaktoru Musa Nəbioğludur.

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.