“Gənclərin Sağlamlıq Forumu” keçirilib


“Gənclərin Sağlamlıq Forumu” keçirilib

Font ölçüsü

ner10.jpg

01 dekabr 2014-cü il tarixdə “Four Seasons” otelində Nərimanov Rayon İcra Hakimiyyəti, Rayon Gənclər və İdman İdarəsi, Gənclər üçün Təhsil Mərkəzi və “Sağlam Ailə” Tibb Mərkəzi tərəfindən “Gənclərin Sağlamlıq Forumu” keçirilib.

 

Gənclərin 1-ci Sağlamlıq Forumunun keçirilməsində məqsəd gənclərin sağlam ruhda böyüməsi, onların asudə vaxtlarının dəyərləndirilməsi, idmana və digər yararlı vərdişlərə cəlb edilməsi, həmçinin “1 dekabr – Ümumdünya QİÇS-lə Mübarizə Günü”nün qeyd edilməsi olunub.
Тədbirdə Azərbaycan Respublikasının Gənclər və İdman nazirinin müavini İntiqam Babayev, Azərbaycan Respublikasının Prezidenti Administrasiyasının İctimai-Siyasi Məsələlər Şöbəsinin məsul işçisi Vüqar Səlimov, Nərimanov Rayon İcra Hakimiyyəti başçısının müavini İradə Mahmudova, Nazirlər Kabinetinin Hərbi və İnzibati Orqanlarla İş Şöbəsinin müdiri Ceyhun Qurbanov, Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev, YAP Gənclər Birliyinin sədri Seymur Orucov, Azərbaycan Respublikası Səhiyyə Nazirliyinini Respublika QİÇS-lə Mübarizə Mərkəzinin şöbə müdiri Natiq Zülfüqarov, Azərbaycan Talassemiya Fedrasiyasının direktoru Nailə Quliyeva, “Sağlam Ailə” Tibb Mərkəzinin baş direktoru Vüqar Eyvazov, 30 ən fəal gənclər təşkilatlarının rəhbərləri, müstəqil təhsil və səhiyyə ekspertləri, KİV nümayəndələri və Nərimanov rayonunda yerləşən ali və orta ixtisas təhsil müəssisələrinin fəal gəncləri iştirak etmişdir.
Forumda çıxış edən Azərbaycan Respublikasının Gənclər və İdman nazirinin müavini İntiqam Babayev, Prezident Administrasiyasının İctimai-Siyasi Məsələlər Şöbəsinin məsul işçisi Vüqar Səlimov, Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev, Nərimanov Rayon Gənclər və İdman İdarəsinin rəisi Nəcəf Novruzov, YAP Gənclər Birliyinin sədri Seymur Orucov, “Gənclər üçün Təhsil Mərkəzinin” icraçı direktoru Fəxrəddin Həsənzadə, “Sağlam Ailə” Tibb Mərkəzinin direktor müavini Nigar Rüstəmli və digər natiqlər gənclərin idmana cəlb edilməsi və sağlam ruhda böyüməsi istiqamətində ğörülən işlərdən məlumat vermiş, Forumun işinə uğurlar arzulamışlar. Ulu Öndər Heydər Əliyevin apardığı uğurlu gənclər siyasətinin bu gün Azərbaycan Respublikasının Prezidenti cənab İlham Əliyev tərəfindən davam etdirildiyini qeyd edən qonaqlar sözügedən Forumda qarşıya qoyulan məqsədə nail olduqlarını vurğulamışlar.
Rəsmi hissə başa çatdıqdan sonra gənclər üçün “Sağlam Ailə” Tibb Mərkəzinin baş direktoru Vüqar Eyvazovun və Azərbaycan Talassemiya Federasiyasının direktoru Nailə Quliyevanın rəhbərliyi ilə təlimlər keçirilmişdir.

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.