Bölgə


Samuxda zəlzələ oldu

Samux rayonunda zəlzələ olub.

Oxu.Az xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.

Məlumata görə, yeraltı təkanlar yerli vaxtla saat 03:15-də, Gəncədən 18 km şimal-şərqdə, Samux rayonu ərazisində, 3,6 maqnitudada qeydə alınıb.

Zəlzələnin episentri 12 kilometr dərinlikdə yerləşib.

Zəlzələ hiss olunmayıb.

Dosye.az

İsmayıllıda yeni xalça fabriki üçün kadrlar hazırlanır

Xalçaçılığın genişmiqyasda inkişafı, valyuta gətirən bir sahəyə çevrilməsi üçün Respublikada həyata keçirilən tədbirlər İsmayıllıda da müsbət əksini tapır.Şəhərin “Günəşli” qəsəbəsində 170 toxucu yeri olacaq xalça fabriki “Azərxalça” ASC tərəfindən inşa edilir. Burada işləmək üçün artıq kadr hazırlığına başlanmışdır.

İsmayıllı rayon İcra Hakimiyyəti Başçısının təklifi,  Azərbaycan Respublikası Əmək və Əhalinin Sosial Müdafiəsi Nazirliyinin razılığı ilə rayonda  2 aylıq xalçaçılıq kursu açılmışdır. İsmayıllı rayon Məşğulluq Mərkəzi, İsmayıllı Peşə Tədris Mərkəzi, “Xoşbəxt-X” kiçik müəssisəsi və 17 nəfər  işaxtaran vətəndaşla dördtərəfli müqavilə bağlanmışdır. Kurs Peşə Tədris Mərkəzində fəaliyyətə başlamışdır. Kursa, əsasən, Qalacıq, İstisu, Qurbanəfəndi kəndlərindən, Lahıc qəsəbəsindən və rayon mərkəzindən Məşğulluq Mərkəzində qeydiyyatda olan işaxtaran və işsiz vətəndaşlar cəlb olunmuşlar.

Bağlanmış müqaviləyə əsasən həmin müdavimlərin istehsalat təcrübəsi “Xoşbəxt-X” kiçik müəssisəsində keçiriləcəkdir. Müdavimlərə iki aylıq təqaüd və kursu bitirdikdən sonra xalçaçı peşəsi üzrə xüsusi şəhadətnamə veriləcəkdir.

Azərbaycan Respublikasının Prezidenti cənab İlham Əliyevin sərəncamı ilə rayonda tikilən yeni  xalça fabrikində ilk növbədə bu kursu bitirəcək müdavimlər  işlə təmin olunacaqlar.

Dosye.org

Füzulidə sursat tapıldı

Füzulidə sursat tapılıb.

Publika.az xəbərinə görə, ANAMA-dan Apa-ya verilən məlumatda bildirilib ki, rayonun Əhmədbəyli kəndində su kanalına baxış keçirilərkən 2 ədəd partlamamış hərbi sursat (PHS) (1 ədəd 93 mm-lik tank əleyhinə raket (PQ-7VL) və 1 ədəd 100 mm-lik tank mərmisi (OF-15)) aşkar edilərək götürülüb.

Dosye.az

Bərdədə qəbiristanlıqda yanğın olub

Bərdənin Kətəlparaq kəndi ərazisində yerləşən qəbiristanlıqda yanğın baş verib.

Oxu.Az-ın APA-ya istinadən verdiyi məlumata görə, alov su kanalının kənarındakı qamışlıqda başlayıb və sonra qəbiristanlığa keçib.

Kənd sakinlərinin bildirdiyinə görə, alovun geniş miqyas alması nəticəsində məzar daşlarına zərər dəyib.

Yanğının söndürülməsi məqsədilə hadisə yerinə yanğınsöndürmə briqadası çağırılıb. Yanğın söndürülüb.

Dosye.az

Mingəçevirdə avtomobil 4 yaşlı uşağı vurub

Mingəçevirdə avtomobil 4 yaşlı uşağı vurub.

”Report” xəbər verir ki, hadisə şəhərin 20 Yanvar küçəsində, "Karyer" adlanan ərazidə baş verib.

Belə ki, “Mersedes” markalı avtomobil yolu keçmək istəyən 2013-cü il təvəllüdlü Xasiyev Ümid Vüsal oğlunu vuraraq ağır xəsarət yetirib. Müxtəlif bədən xəsarətləri alan azyaşlı təcili xəstəxanaya çatdırılıb.

Faktla bağlı Mingəçevir Şəhər Polis Şöbəsində araşdırma aparılır.

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 81 02: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.