Bölgə


Göldə balıq tutmaq istəyən Lənkəran sakinini elektrik cərəyanı vuraraq öldürüb

Lənkəran sakinini elektrik cərəyanı vurub.

APA-nın Cənub bürosunun məlumatına görə, Lənkəran rayonu Girdəni kənd sakini, 1965-ci il təvəllüdlü Əliyev Tahir Həsən oğlu yaşadığı kəndin ərazisindəki göldə balıq tutmaq istəyib.

T. Əliyev tilovun qırmağı gölə atarkən qırmaq gölün yaxınlığındakı yüksək gərginlikli elektrik xəttinə ilişib və o, elektrik cərəyanı vurması nəticəsində ölüb.

Hazırda hüquq-mühafizə orqanları hadisə yerində araşdırma aparır.

Dosye.org

İki məktəblini maşın vurdu

Ağsu rayonunda iki piyadanın vurulması ilə nəticələnən yol-nəqliyyat hadisəsi baş verib.

Dosye.org APA-ya istinadən xəbər verir ki, hadisə bu gün saat 18:00 radələrində Bakı-Şamaxı-Yevlax avtomobil yolunun Ağsunun Pirhəsənli kəndi ərazisindən keçən hissəsində qeydə alınıb. “QAZ 3110” markalı minik avtomobili yolu keçən iki uşağı vurub. Hadisə zamanı ağır xəsarətlər alan uşaqlar Ağsu rayon Mərkəzi Xəstəxanasına çatdırılıb.

Bunlar Ağsu rayon Əlabad kənd sakinləri, 2005-ci il təvəllüdlü Kərimov Polad Mehman oğlu və həmyaşıdı Həsənov Famil Müqabil oğludur. Famil Həsənovun vəziyyəti ağırlaşdığı üçün onu təcili olaraq Bakı şəhərinə travmatologiya xəstəxanasına göndəriblər.  Faktla bağlı Ağsu rayon Polis Şöbəsi tərəfindən araşdırma aparılır.  

Dosye.org

Lənkəranda mal-qara oğurlayan meşəbəyilər həbs edildi

Lənkəran Şəhər Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində 2017-ci ilin may ayının 10-da İdris Höccətova məxsus torpaq sahəsindən 1 baş inək oğurlamaqda şübhəli bilinən rayon sakini Taleh Abbasov saxlanılıb.

Bu haqda İstiqlal.az-a Daxili İşlər Nazirliyin Mətbuat xidmətinin Lənkəran Regional qrupundan verilən məlumatda bildirilib.

Məlumata görə, həmin şəxsin ətrafında aparılan əməliyyat tədbirləri ilə müəyyən olunub ki, rayonun Xanbulan kəndində yaşayan Taleh Abbasov müxtəlif vaxtlarda tanışları Ramin Kişiyev, Nahid Muradlı, İlkin Cəbiyev, Mehbalı Əliyev, Sadiq Qurbanov, Azad Abbasovla əlbir olaraq vətəndaşlara məxsus ümumilikdə 12 baş inəyi oğurlayıb.

O, cari ilin fevral ayından sentyabradəkolan müddətdə əlbir olduğu şəxslərlə birlikdə törətdiyi oğurluq əməlləri ilə 7 nəfərə ümumilikdə 12 min manatdan artıq ziyan vurub. 

Aparılan araşdırmalarla mal-qaranın əsasən Hirkan Milli Parkının Xanbulan kəndi ətrafında yerləşən meşəlik ərazidən oğurlandığı müəyyən edilib.

Aparılan araşdırmalar nəticəsində əvvəllər Taleh Abbasovun, daha sonra isə Ramin Kişiyevin həmin ərazidə meşəbəyi işləmələri məlum olub.

Onlar oğurladıqları iribuynuzlu heyvanları rayon ərazisindəki qəssablara şəxsi təsərrüfatlarında yetişdirdiklərini deyərək satıblar. Oğurlanan heyvanlardan ikisi maddi sübut qismində götürülüb.

Taleh Abbasov və adıçəkilən digər şəxslər istintaqa cəlb edilib və barələrində Cinayət Məcəlləsinin  müvafiq maddələri ilə cinayət işi açılıb, istintaq aparılır.

Dosye.org

Qaçqın şəhərciyində yanğın: 5 nəfər tüstüdən zəhərləndi

Mingəçevir – Xaldan şossesi üzərində yerləşən 1-ci qaçqın və məcburi köçkün şəhərciyində yanğın baş verib.

"Report"un Şirvan bürosu xəbər verir ki, hadisə 9 saylı doqquzmərtəbəli binada qeydə alınıb.Əraziyə Fövqəladə Hallar Nazirliyinin bir neçə yanğınsöndürmə briqadası cəlb olunub.

 İlkin məlumata görə, yanğın zamanı 5 nəfər tüstüdən zəhərlənərək xəstəxanaya yerləşdirilib.

Daha üç "təcili yardım" maşını hadisə yerinə göndərilib.

Hazırda yanğının söndürülməsi istiqamətində iş aparılır.

Dosye.org

Azərbaycanda orta məktəb binası yandı

Tovuzda yanğın qeydə alınıb.

Dosye.org Fövqəladə Hallar Nazirliyinin saytına istinadən xəbər verir ki, Tovuz rayonu, Aşağı Quşçu kəndində ümumi sahəsi 693 m² olan ikimərtəbəli məktəb binasının çardağının yanar konstruksiyaları 80 m², 6 sinif otağının tavanı 120 m² sahədə və qapıları yanıb.

Yüksək temperaturdan digər otaqların tavanı 50 m² sahədə qarsalanıb. Məktəb binasının qalan hissəsi yanğından mühafizə olunub.

Yanğın zamanı xəsarət alan olmayıb. Yanğın saat 19:56-da yanğın bölmələri tərəfindən söndürülüb.

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.