Gündəm


Bakının iki rayonunda su olmayacaq

Bu gün axşam Bakının iki rayonunda su məhdudiyyətlə veriləcək.

“Azərsu” ASC-dən Modern.az-a verilən məlumata görə, magistral su kəmərində aparılan təmir-bərpa işləri ilə əlaqədar olaraq bu gün axşam saatlarında Nəsimi və Nərimanov rayonlarının bir hissəsinə içməli suyun verilməsində məhdudiyyətlər olacaq.

Dosye.org

Goradildəki cinayətdə kriminal aləm izi: "Mənimlə söhbət edəndə papağı çıxart"

Əvvəl xuliqanlıq, sonra oğurluq, indi isə adam bıçaqlamağa görə hakim qarşısına çıxarılan 28 yaşlı gənc cinayət əməlinin səbəbini danışıb.

Dosye.org Musavat.com-a istinadən xəbər verir ki, Bakı Ağır Cinayətlər Məhkəməsində xuliqanlıq niyyəti ilə adam bıçaqlamaqda ittiham edilən 1989-cu il təvəllüdlü Şəhriyar Abdulovun cinayət işi üzrə məhkəmə iclası keçirilib.

Hakim Şəkər Məmmədovanın sədrliyi ilə keçirilən hazırlıq iclasında təqsirləndirilən şəxs ifadə verib. O, Zakir Məmmədovu bıçaqlamasının səbəbini danışıb. Şəhriyar Abdulov əvvəlcə bildirib ki, bıçaqladığı şəxslə daha əvvəldən məhəllə sakini kimi münasibəti olub. Hadisə Abşeron rayonunun Goradil qəsəbəsində baş verib.

Ş.Abdulov daha sonra hadisə günü yaşananları belə danışıb: "Axşam evdən çıxıb çayxanaya getdim. Çayxananın qarşısında 10-15 nəfər var idi. İçəri keçmək istəyəndə tanımadığım bir nəfər mənə dedi ki, “İçəri olmaz. Zakir içəridə söhbət edir”. Ona görə də içəri heç kimi buraxmırlar. Sonra da dedi ki, “Artıq adamların hamısı dağılışsın”. Mübahisə etməyə başladıq. Səs-küyə Zakir çıxdı. İçkili idi. Qışqırdı ki, nə olub? Dedim ki, Zakir, qıraqdan gələnlər bizə, öz kəndimizdə yer göstərirlər. Zakir də qayıtdı ki, "Onlar qıraq adam deyil, mənim qardaşlarımdır". Həmin adamları tanımırdım. Mənim üstümə gəldilər. Onları qorxutmaq üçün bıçağı çıxardım ki, görsünlər".

Şəhriyar Abdulov ifadəsinin davamında qeyd edib ki, Zakir Məmmədovu bıçaqla vurmaq niyyəti olmayıb: "Bıçaq sol əlimdə idi. Fikirləşdim ki, birdən mənə əl-qol atarlar. Zakiri vurmaq niyyətim yox idi. Sağ əlimi bir neçə il əvvəl laqonda kəsib. 3-cü qrup əliləm. Tam hərəkət etdirə bilmirəm. Bıçağı sağ əldə tutmuşdum. Əgər vurmaq niyyətim olsaydı, işləməyən əlimdə tutmazdım. Mübahisə yarananda bıçağı sol əlimdən sağ əlimə keçirmişdim. Mübahisə başlayanda, onlar üstümə gələndə necə oldusa bıçaq Zakirə dəydi".

Ş.Abdulov ifadəsində həmçinin onu da göstərib ki, bıçaqladığı Zakir Məmmədov həmin gün kənddə ağsaqqallara hörmətsizlik edib. Onun bu hərəkətlərinə etiraz edən kənd sakini Fazil Məmmədovu isə döydürmək istəyib.

"Zakir həmin gün kənddə Rafael adlı ağsaqqalı maşının qapı arasında qoyub, sıxıb. Aralarında nəsə söhbət olub. Kənd sakini Fazil Məmmədov da bunu görüb və etiraz edib. Zakir Farizi yanına çağırıb, ona deyib ki, "Mənimlə söhbət edəndə papağı çıxarmaq lazımdır". Bu söhbət zamanı Zakir içkili olub. Axşam da Fazili axtarmaq üçün kəndə adamlar göndərib", - deyə təqsirləndirilən Şəhriyar söyləyib.

Dövlət ittihamçısı Şəhriyar Abdulova sual verib və çayxanaya getməsinin səbəbini soruşub. Şəhriyar deyib ki, məqsədi tanışları ilə domino, nərd oynamaq, istirahət etmək olub.

Prokuror Şəhriyara növbəti sualında qeyd edib: "Siz çayxanaya getməzdən əvvəl orada kriminal aləmə yaxınlığı ilə tanınan şəxslərin söhbət etmələri barədə məlumatlı olubsunuzmu?"

Şəhriyar cavabında belə bir məsələdən xəbərsiz olduğunu, kafeyə sadəcə çay içməyə getdiyini söyləyib.

Ş.Abdulov üzərində bıçaq gəzdirməsinin səbəbini isə belə izah edib: "Kənd yeridir. 4 ayaqlı itlərdən çölə çıxmaq olmur. Bir əlim də işləmir. Qaçmaq, harasa qalxmaq imkanım yoxdur. Ona görə də bıçaq götürürəm".

Məhkəmədə o da məlum olub ki, bıçaqlanan Zakir Məmmədov istintaqa ilk ifadəsində yıxılaraq xəsarət aldığını bildirib.

Şəhriyar isə deyib ki, əgər özü könüllü olaraq polisə təslim olmasaydı, bıçaqladığı Zakir Məmmədov yenə də bu cür ifadə verəcəkdi: "Mən özüm təslim oldum. Polislər də bilirdi ki, mən vurmuşam. Özüm də gedib təslim oldum".

Cinayət əməlini törətdiyini etiraf edən Şəhriyar ona qarşı irəli sürülən ittihamla razılaşmır: "Heç bir səbəb olmadan, xuliqanlıq niyyəti ilə adam vurmamışam. Səbəb olmasaydı, Zakir o hərəkətləri etməsəydi, onu vurmazdım. Maddə düzgün verilməyib".

Hadisənin baş vermə səbəbi kimi təfərrüatlardan biri də belədir ki, bıçaqlanan Zakir Məmmədov kənd kafesində oturarkən ağsaqqallar gələn zaman ayağa durmayaraq onlara hörmətsizlik edib. Elə mübahisələr də bundan başlayıb. Amma Şəhriyar Abdulov bu səbəbi rədd edib.

Məhkəmədə Şəhriyar Abdulovun adını çəkdiyi Fazil Məmmədov da ifadə verib. F.Məmmədov deyib ki, Şəhriyar Abdulovun günahı yoxdur. Hadisəyə səbəb Zakir Məmmədovun hərəkətləridir: "Zakir ağsaqqallara, kənd sakinlərinə qarşı hörmətsizlik edirdi. Mən də işə gedəndə yolda mənə söz atdı. Mübahisə elədik, içkili idi deyə mən çıxıb getdim. Sonra zəng edib məsələni aydınlaşdırmaq istədim. Amma mənimlə kobud danışdı”.

Zərərçəkmiş Zakir Məmmədov məhkəmə proseslərində iştirak etməyib. 

Qeyd edək ki, Ş.Abdulov daha əvvəl də məhkumluq həyatı yaşayıb. O, 2010-cu ildə xuliqanlığa görə həbs edilib və 3 il cəza çəkib. Daha sonra isə oğurluğa görə pul cəriməsi ödəməli olub.

Ş.Abdulov Abşeron rayon Polis İdarəsinin əməliyyatçıları tərəfindən saxlanılıb. Şəhriyar Abdulova Cinayət Məcəlləsinin 126.2.4-cü (xuliqanlıq niyyəti ilə sağlamlığa ağır xəsarət yetirmə) maddəsi ilə cinayət işi açılıb.

Qeyd edək ki, bıçaqlanan şəxs əvvəllər adam oğurluğuna görə məhkumluq həyatı yaşayıb.

Dosye.org

London polisi Heydar Paşazadənin şərab mağazasını bağladı

Böyük Britaniyanın Ticarət departamenti Azərbaycan əsilli iş adamı Heydar Paşazadəyə məxsus şərab və ərzaq mağazasının lisenziyasını geri götürüb.

Dosye.org oxu.az-a istinadən xəbər verir ki, belə bir qərara səbəb kimi saxta spirtli içki satılması və mağazada “kriminal fəaliyyətlə” məşğul olunduğu gətirilir.

Yerli sakinlər İnternational Food Wine Beer mağazasından polisə şikayət edərək bildiriblər ki, orada saxta Hennesy konyakı satılıb. Sakinlər gecə saatlarına kimi mağazada spirtli içki satılmasına da qarşı çıxıblar.

Polis əməkdaşları mağazanın sahibi Heydar Paşazadə ilə əlaqə yaratmağa cəhd etsələr də, bu, mümkün olmayıb. Belə ki, iş adamı daim ya Azərbaycanda, ya da Türkiyədə səfərdə olub. Nəhayət, Paşazadənin özü polisə gələrək, heç bir xəbərdarlıq almadığını bildirib.

Lisenziya üzrə qrupun üzvü Adrian Morris mağazada qanunvericiliyin kobud surətdə pozulması hallarının aşkar olunduğunu bəyan edib.

Hazırda, müvafiq orqanlar tərəfindən  mağazada həddi-büluğa çatmayanlara spirtli içkilərin satılması ilə bağlı daxil olmuş məlumatlar yoxlanılır.

Dosye.org

Bu şəxslər ali məktəbə imtahansız qəbul oluna bilərlər

Azərbaycanda kolleci yüksək nəticələrlə bitirən məzunlar ali məktəblərin eyni ixtisaslarına (kollecdəki ixtisasın eyni) Dövlət İmtahan Mərkəzinin keçirdiyi qəbul imtahanlarını vermədən qəbul oluna bilərlər.

Dosye.org xəbər verir ki, bunu Trend-ə Təhsil Nazirliyinin Elm, ali və orta ixtisas təhsil şöbəsinin sektor müdiri Sülhəddin Gözəlov deyib.

Onun sözlərinə görə, "Təhsil haqqında" qanunda da təhsilin fasiləsizliyinin təmin edilməsi məsələsi var: "Bu gün bunun həyat keçirilməsi orta ixtisas təhsili müəssisələrinin məzunları üçün daha real görünür. Bununla bağlı nazirlikdə müəyyən işlər görülür. Amma bu, hələ mümkün deyil".

S.Gözəlov bildirib ki, bunun üçün ilk növbədə ali məktəb və kolleclərin ixtisaslarının unifikasiyası vacibdir: "Başqa sözlə, kollecdəki ixtisasla ali məktəbdəki ixtisasın adı eyni olmalıdır. Buradakı fərq sadəcə təhsil müddətlərinin müxtəlifliyində olmalıdır".

S.Gözəlov əlavə edib ki, ali təhsil müəssisələrində keçirilən fənlərin sayı çox, orta ixtisas təhsili müəssisələrində isə azdır: "Unifikasiya ona gətirib çıxaracaq ki, kollecdə keçirilən fənlərin böyük əksəriyyəti həm məzmun, həm də kredit sayı etibarı ilə ali məktəblərdəkilər ilə eyni olacaq. Eyni olduğu halda, tələbə bir fənnin kreditini bir dəfə qazanıbsa, onun bakalavriat səviyyəsində təkrar qazanmasına ehtiyac olmayacaq. Bu isə o deməkdir ki, tələbə bakalavriat səviyyəsi üzrə təhsil almağa başlayanda artıq həmin bakalavriat proqramının bir hissəsini subbakalavrda mənimsəmiş və onlara görə kreditini ödəmiş olacaq".

S.Gözəlov əlavə edib ki, bunun hesabına da kollec məzunu olmuş və ali məktəbdə təhsil alan tələbənin təhsil müddəti qısalacaq. Yəni tələbə 2,5-3 il müddətinə artıq bakalavriat səviyyəsini bitirmiş olacaq.

Nazirlik rəsmisi hesab edir ki, bu, həm təhsilin fasiləsizliyinin təmin olunmasına, həm təhsilin keyfiyyətinin yüksəlməsinə, həm də tədris resurslarından, elmi-pedaqoji heyətin potensialından ortaq şəkildə istifadəyə imkan verəcək: "Ali təhsil müəssisələrinin bir qisminin nəzdində artıq kolleclər fəaliyyət göstərir. Bu məsələnin kollecləri olan belə universitetlərdə həyata keçməsi daha realdır".

S.Gözəlov əlavə edib ki, yeniliyin nə vaxt reallaşacağını konkret demək mümkün olmasa da, yaxın illər ərzində baş tutacağı gözlənilir: "Çünki Təhsilin İnkişafı üzrə Dövlət Strategiyasında da təhsilin fasiləsizliyinin təmin olunması məsələsi qoyulub. Ona görə də düşünürəm ki, yaxın illər ərzində bu məsələ reallaşa bilər. Qərar qəbul olunacağı təqdirdə kolleci nailiyyətlə bitirən məzunlar ali məktəblərin eyni ixtisaslarına (kollecdəki ixtisasın eyni) Dövlət İmtahan Mərkəzinin keçirdiyi qəbul imtahanlarında iştirak etmədən qəbul oluna biləcəklər".

Dosye.org

Yol polisi sürücülərə xəbərdarlıq etdi

Daxili İşlər Nazirliyi Baş Dövlət Yol Polisi İdarəsi (BDYPİ) yağışlı hava şəraiti ilə əlaqədar sürücülərə tövsiyə edib.

İdarədən Moderator.az-a verilən məlumatda qeyd olunur ki, sürücülərə yağmurlu hava şəraitində, xüsusilə yağışın yeni başladığı vaxtlarda son dərəcə ehtiyatlı olmaları, ərazidə icazə verilən maksimum sürət həddindən asılı olmayaraq idarə etdikləri nəqliyyat vasitələrinin hərəkət sürətini hava şəraitinə uyğun seçmələri, zərurət olmadan ötmə əməliyyatı aparmamaları, qəfil manevrlər və kəskin tormozlama etməmələri tövsiyə olunur.

Mexaniki nəqliyyat vasitələrinin sürücüləri yola çıxmazdan əvvəl avtomobilin şüşə silgəclərinin və şüşəyuyanlarının, habelə xarici işıq cihazlarının işlək vəziyyətdə olmasına əmin olmalı, texniki cəhətdən nasaz vəziyyətdə olan avtomobillərdən istifadə olunmamalıdır.

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (012) 409 20 21: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.