Əliyev 120 dəqiqə oynadı, komandası finala çıxdı

Albaniya kubokunda yarımfinal mərhələsinin cavab qarşılaşmaları keçirilib.

QOL.az xəbər verir ki, Azərbaycanlı millisinin üzvü Zamiq Əliyevin çıxış etdiyi “Eqnatiya” səfərdə “Partizan”ın qonağı olub.

İlk matçda 0:1 hesabı ilə məğlub olan “Eqnatiya” matçın əsas vaxtını eyni hesablı üstünlüklə bitirib. Əlavə vaxtda fərqlənməyi bacaran Əliyevin komandası finala yüksəlib. Start heyətində meydana çıxan Zamiq sonadək mübarizə aparıb.

Qeyd edək ki, “Eqnatiya” mayın 1-də keçiriləcək finalda  “Dinamo” (Tirana) ilə qarşılaşacaq.