Türkiyə prezidenti Rəcəb Tayyib Ərdoğan İraqın Mosul şəhərində İŞİD qruplaşması tərəfindən girov götürülən və 101 günlük əsarətdən sonra dünən azad edilən Mosul konsulluğunun diplomatlarını qəbul edib.
ANS TV-nin məlumatına görə, girovluqdan azad olunan türk diplomatları qarşısında çxış edən Ərdoğan bunun Türkiyə üçün bir bayram olduğunu deyərək, iradə və mətanətlə bu anı gözlədikləri üçün onlara təşəkkürünü bildirib:
“Hər hansı türk diplomatının burnu belə qanasaydı özümüzə bunu bağışlamazdıq. Bu işdə uğursuz olacağımızı heç düşünmədik”.
Türkiyə prezidenti çıxışı zamanı göstərilən təzyiqlərə rəğmən diplomatların cəsarət nümayiş etdirməsini alqışlayarq, onların xilas edilməsi üçün Türkiyə hökumətinin atdığı addımları da yüksək qiymətləndirib.
Rəcəb Tayyib Ərdoğanın sözlərinə görə, diplomatların təhlükəsizliyi əsas vəzifələri olub: “Türkiyə Cümhuriyyətinin etibarını qorumaq çox önəmli idi. Əgər biz bəzi koalisiya tələblərinə və təkliflərinə həmin vaxt dərhal “əlbəttə biz də varıq” deyərək cavab verə bilməzdik. O, zaman dünya nəhəngləri “onu da edək, bunu da edək” deyirlər. Amma biz dərhal bu işə “bəli” deyə bilməzdik. Çünki bizim 49 canımız var idi, biz onlardan arxayın olmadan addım ata bilmərik dedik və diplomatlarımızın təhlükəsizliyini, azadlığını düşürənək, yol xəritəmizi müəyyənləşdirdik. Arxayın olmadan addım atmarıq söylədik”.
Ərdoğan çıxışında İŞİD-in başını kəsdiyi ingilislərin, amerikanların yerində türk vətəndaşlarının olmamasını və eyni aqibəti yaşamaq istəmədiklərini söyləyib.
Xatırladaq ki, 3-ü uşaq olmaqla 49 türk diplomatı iyun ayının 11-də İŞİD tərəfindən girov götürülüb. 3 aydan çox əsirlik həyatı yaşayan diplomatların yeri İŞİD silahlılar tərəfindən 8 dəfə dəyişdirilib. Diplomatlar əsirlikdə yaşadıqları dəhşətli anları dilə gətirmək istəməsələr də bu müddət ərzində çox təhlükələr atlatdıqlarını bildiriblər.
COMMENTS