67 il birlikdə yaşayan ər-arvad eyni gündə dünyasını dəyişdi

Yeni Zelandiyada uzun illər bir yerdə yaşayan ər-arvad Xyu və Coan Niz eyni gündə dünyalarını dəyişiblər.

Publika.az xarici mətbuata istinadən xəbər verir ki, kişinin 94, qadının isə 92 yaşı olub.

Əvvəlcə xərçəngdən əziyyət çəkən kişi, ondan iki saat sonra isə qadın dünyasını dəyişib.

Eyni vaxtda dünyasını dəyişən ər-arvad 67 il birgə ömür sürüb və onların 5 uşaqları olub. Lakin uşaqlardan ikisi valideynlərindən əvvəl dünyasını dəyişiblər.