Abşeron rayonunda narkotiklərlə bağlı əməliyyat keçirilib.
Daxili İşlər Nazirliyinin mətbuat xidmətindən Teleqraf.com-a verilən məlumata görə, Abşeron rayon Polis İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Məmmədli kənd sakinləri A.Rzayev saxlanılıb.
Ona məxsus həyətyanı sahədən kultivasiya yolu ilə yetişdirilmiş 1 ədəd çətənə kolu və 490 qram marixuana götürülüb.
Bundan başqa, Məmmədli kənd sakini N.Rəhimova məxsus həyətyanı sahədən isə kultivasiya yolu ilə yetişdirilmiş 3 ədəd çətənə kolu və 100 qramdan artıq marixuana aşkar edilib.
Daha bir əməliyyat rayonun Novxanı qəsəbəsində keçirilib.
Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Novxanı kənd sakini H.Mərdanova məxsus həyətyanı sahədən kultivasiya yolu ilə yetişdirilmiş 8 ədəd çətənə kolu aşkar edilərək götürülüb.
Bütün faktlarla bağlı cinayət işi başlanıb.
DOSYE.ORG
COMMENTS