Azərbaycanlı məşqçilər “Fənərbaxça”nın akademiyasında olublar

AFFA-nın təşkilatçılığı ilə azərbaycanlı məşqçilər Türkiyəyə səfər ediblər. 

QOL.az  AFFA-nın saytına istinadən xəbər verir ki, “Qəbələ”nin və “Sabah”ın U-19 komandasında çalışan Zaur Hacıyevlə Saşa Yunisoğlu təcrübə keçmək məqsədilə “Fənərbaxça” klubunun akademiyasında olublar.

Bir həftə İstanbul klubunun düşərgəsində olan məşqçilərimiz akademiyanın iş prinsipi ilə yaxından tanış olub, fikir mübadiləsi aparıblar.