Bu gün Avropa Oyunlarında iştirak edən karateçilərimiz də medal uğrunda mübarizəyə uğurla başlayıblar.
ANS PRESS-in məlumatına görə, karateçimiz Rafael Ağayev finala adlayıb.
Bakı Kristal Zalında keçirilən yarımfinal görüşündə “Karatenin Maradonası”nın rəqibi alman Noah Bitsch olub. Rafael Ağayev 1:0 hesabı ilə qələbə qazanaraq adını finala yazdırıb. Bununla idmanşımız ən azı gümüş medala şansını qazanıb.
Bundan başqa, karateçi Firdovsi Fərzəliyev də Bakı-2015 Birinci Avropa Oyunları çərçivəsində final mərhələsinə keçib. Fərzəliyev yarımfinal mərhələsində Moldova idmançısı Emil Pavlovu tatamidən kənara çıxarmaqla finala vəsiqə qazanıb.
Digər azərbaycanlı karateçi İlahə Qasımova isə Bakı-2015 Birinci Avropa Oyunları çərçivəsində final mərhələsinə adlaya bilməyib.
Yarımfinal mərhəsində İ.Qasımova Fransa idmançısı Emili Toya məğlub olub.
COMMENTS