Ermənistan parlamentinin xüsusi iclasında yeni vergi qanunu müzakirə olunacaq və bu qanuna alternativ hazırlanan yeni qanun layihəsi parlamentə təqdim ediləcək.
Bu gün axşam saatlarında baş tutacaq xüsusi toplantı barədə məlumat verən deputatlar yeni vergi qanununa etiraz edən aksiya iştirakçılarını parlament binasının önündə toplaşmağa çağırıb.
“Çiçəklənən Ermənistan” partiyasının deputatı Mikayıl Melkumyan axşam saatlarında parlamentin önündə toplaşmaqla içəridəki deputatlara təzyiq etməyin və hakim Respublika Partiyasının parlamentin xüsusi iclasına mane olmasına imkan verməməyin vacib olduğunu bildirib.
Bu gün parlamentə təqdim olunacaq alternativ qanun layihəsini də Mikayıl Melkumyan hazırlayıb. Layihə sahibkarlara “köhnə qanun qüvvədə qalmaqla bərabər 3.5 faiz vergi vermək, sənədləşmədən uzaq olmaq və ya yeni qanuna müvafiq hərəkət etmək və 1 faiz vergi vermək” kimi seçim imkanı verir (APA).
COMMENTS