Firəngiz Mütəllimova kitab yazır

Akademik Milli Dram Teatrının tanınmış aktrisası, xalq artisti Firəngiz Mütəllimova anadan olduğu Şuşa şəhəri haqda kitab yazır.

Dosye.az publika.az-a istinadən bildirir ki, bu barədə açıqlamasında aktrisanın özü bildirib. Mütəllimova deyib ki, bir müddət öncə yazmağa başladığı kitabda onun Şuşada keçirdiyi uşaqlıq, yeniyetməlik dövrləri, şahid olduğu maraqlı hadisələr, əhvalatlar əksini tapacaq: “Bu xatirələri neçə illərdir beynimdə, düşüncəmdə gəzdirirəm. Çünki Şuşa hər gün xəyalımdadır, yadıma düşür. Qərara aldım ki, nəhayət, onları qələmə alım. Amma kitabda, həmçinin mənim gənclik illərim, Bakıya gəlişim, sənətdə ilk addımlarım da öz əksini tapacaq”.