2019-cu ilin sonlarına yaxın İqtisadiyyat Nazirliyinə birləşdirilən Əmlak Məsələləri Dövlət Komitəsinin keçmiş sədri Kərəm Həsənovun fəaliyyəti araşdırılır.
Hurriyyet.az xatırladır ki, 2019-cu ilin noyabrında Prezident Administrasiyasının Dövlət nəzarəti şöbəsinin müdiri təyin edilən Kərəm Həsənovun bununla “toxunulmazlıq” əldə etdiyi güman edilirdi. Lakin etibarlı qaynaqlardan əldə etdiyimiz bilgilərə görə, son dönəmlərdə bir sıra saxta sənədlərə imza atdığı ortaya çıxıb. Bu səbəbdən də ölkə rəhbərliyinin göstərişi ilə K.Həsənovun fəaliyyəti ilə bağlı ciddi yoxlamalara başlanıldığı bildirilir.
Mənbənin sözlərinə görə, qeyd olunan faktlar aşkara çıxarsa, K.Həsənov Prezident Administrasiyasının Dövlət nəzarəti şöbəsinin müdiri vəzifəsi ilə yanaşı, azadlığını da itirə bilər.
DOSYE.ORG
Redaksiyadan: Mövzunu araşdıracağıq. Qarşı tərəfin mövqeyini dərc etməyə hazırıq.
COMMENTS