“Palmali” Şirkətlər Qrupunun rəhbəri, azərbaycanlı iş adamı Mübariz Mənsimovun səhhəti pisləşib
Dosye.org xəbər verir ki, bu barədə Palmali Şirkətlər Qrupunun mətbuat katibi Fidan Quliyeva qeyd edib.
F.Quliyeva bildirib ki, bir neçə gündür aclıq elan edən M.Mənsimovun səhhəti ağır durumda, özü isə halsız vəziyyətdədir:
“Vəkillər Mənsimovun həbsdən azad edilməsi istiqamətindən fəaliyyətlərini durmadan davam etdirirlər”.
Qeyd edək ki, İstanbul hüquq-mühafizə orqanları M.Mənsimovun evində 15 martda axtarış aparıblar və onun saxlanılmasına qərar veriblər. 17 martda isə İstanbul Məhkəməsi Mənsimovun istintaq müddətində həbsi ilə bağlı qərar qəbul edib.
M.Mənsimov FETÖ ilə əlaqədə və bu terror qrupuna maliyyə dəstəyində suçlanır.
DOSYE.ORG
P.S. Dosye.org olaraq diqqətinizə çatdıraq ki, “Palmali” Şirkətlər Qrupunun rəhbəri, azərbaycanlı iş adamı Mübariz Mənsimova qarşı isrəli sürülən ittihamlar saxtadır. İnanırıq ki, qardaş Türkiyədə iş adamına qarşı açılan çinayət işinin istintaqı qərəzsiz və obiyektiv araşdırılacaq. Məsələ diqqətimizdədir, əlavə məlumat redaksiyamıza daxil olan kimi ixtiyarınıza veriləcək.
COMMENTS