Məşhur məşqçi karyerasını başa vurdu

İtaliya millisinin sabiq baş məşqçisi Çezare Prandelli karyerasını başa vurub.

Qol.az xbər verir ki, bu barədə 65 yaşlı mütəxəssis “Marca”ya açıqlamasında bildirib: “Özümü yaxşı hiss edirəm, qalan şeylər mənim üçün önəmli deyil. Bəzi təkliflər olub, amma xəyal etdiyim yeganə skamya parkda nəvələrimlə olan skamyadır. Məşqçiliyi dayandırıram. Mən həyatdan həzz almaq istəyirəm”,

Prandelli futbolçu kimi 1984/1985 mövsümündə “Yuventus”la Avropa kubokunu qazanıb. Çezare futbolçu karyerasını 1990-cı ildə “Atalanta”da başa vurub və həmin klubda məşqçi kimi fəaliyyətə başlayıb. O,2010-2014-cü illərdə İtaliya millisini çalışdırıb və yığmanı Avro-2012-nin finalına çıxarıb. Prandellinin məşqçilik karyerasında sonuncu klubu 2021-ci ilin martında ayrıldığı “Fiorentina” olub.