manset


Əhməd Əhmədovun qardaşının nədə ittiham edildiyi məlum oldu – Kürdəxanıda saxlanılır

kk.jpg

Bugünlərdə Azinforum.az Naxçıvan Muxtar Respublikasının sabiq daxili işlər naziri Əhməd Əhmədovun qardaşı Əvəz Əmədovun Bakı şəhərində həbs edildiyinə dair məlumat vermişdi. (Həmin yazını bu linkdən oxuya bilərsiniz).

Qeyd edək ki, hazırda həbsdə saxlanılan Əvəz Əhmədov Bakı şəhərində biznes fəaliyyəti ilə məşğul olub. Əldə etdiyimiz dəqiq məlumata görə, sabiq nazirin qardaşına Cinayət Məcəlləsinin iki maddəsi – 182 (hədə qorxu ilə tələb etmə) və 145 (qanunsuz azadlıqdan məhrum etmə) ilə rəsmi ittiham elan olunub və o, hazırda Kürdəxanıdakı 1 sayı Bakı İstintaq Təcridxanasında saxlanılır.

Bildirilir ki, Əvəz Əhmədov əvvəllər iş birliyində olduğu hansısa bir iş adamının şikayəti əsasında həbs edilib. Qeyd edək ki, bir müddət əvvəl, onunla bir türk iş adamı arasında olan narazılıqla bağlı mediada məlumatlar dərc edilmişdi. Şikayətin həmin əcnəbi iş adamı tərəfindən verilib-verilmədiyi barədə hələ ki, nəsə məlum deyil. Məlumatla bağlı rəsmi qurumların da mövqeyini öyrənməyə çalışacayıq.

Dosye.org

Badamdar bələdiyyəsinin Həbib Əsədov problemi

vu.jpg

Səbailin icra başçısı mat durumuna düşəcək..?

Son bir neçə ay ərzində həyata keçirilən kadr islahatları həm də sübut etdi ki, bu gün ölkədə diqqəti cəlb etməyən elə məmurlar var ki, dünyanın ən aparıcı oliqarxlarını belə kölgədə qoya bilərlər. Hətta bu məmurların əmlakları milyonları belə aşaraq fantastik həddə çatıb. Görünür bu səbəbdən millət vəkili Fəzail Ağamalı bu məmurların əmlaklarının müsadirə edilərək şəhid ailələrinə verilməsini təklif etməsi təsadüfi deyil. Hətta apardığımız araşdırmalar sübut edir ki, diqqəti ümumiyyətlə cəlb etməyən adi bələdiyyə sədrləri var ki, həyata keçirtdikləri xırda əməliyyatlar nəticəsində yüz minlərlə manat pulu mənimsəyə bilirlər. Hələlik isə əsas islahatlar icra strukturalrında həyata keçirilir və görünür bunun davamı olaraq digər sahələrə də diqqət ayrılacaq.

Bəri başdan bunu demək mümkündür ki, hazırda maliyyə fırıldaqlarının, çirkab əməliyyatların daha çox həyata keçirildiyi bölgələrdən biri də Bakı və Bakı ətrafı bölgələrdir. Elə buna görə də prezidentin sərancamı ilə Bakı şəhər icra hakimiyyəti başçısı postuna Eldar Əzizov gətirildi və Bakının ən strateji rayonu olan Səbael rayonuna da müasir təhsilli, heç bir korrupsiya olaylarında adı çəkilməyən Vüqar Zeynalov təyinat aldı. Həm də bu təyinat o zaman oldu ki, rayonun Badamdar-Bayıl bölməsi ciddi təhlükə ilə üz-üzə qalmışdır və çıxılmaz durum bu gün də davam edir. Bu haqda sonra... Amma məsələnin maraqlı tərəfi budur ki, yeni təyinatlar olsada bu kadrlar məcburdurlar ki, adları yüzlərlə maxenasiyalarda hallanan şəxslərlə işləsinlər. Bu isə özlüyündə işin keyfiyyətini aşağı salır və ciddi nəticə əldə etmək mümkün deyil. Məsələn, götürək Səbael rayonunu. Yeni başçı effektli nəticə əldə etmək üçün, yaranmış qruplaşmaları sıradan çıxartmaq üçün real addımlar atmalı və digər təşkilatlarla, o cümlədən bələdiyyələrlə əməkdaşlıq etməlidir.

Bəs belə olan halda başçı Vüqar Zeynalov tutalım Badamdarın 90 faizini az qala satan simalarla necə işləyə bilər? Hansı formada yeni başçı tutalım Badamdar bələdiyyəsinin sədri Həbib Əsədovla və yaxud Səbail bələdiyyəsinin sədri Firdovsi Cəbrayılovla əməkdaşlıq edə bilər? Adı çəkilən bu bələdiyyə sədrləri bir zamanlar Səbael rayon icra hakimiyyəti başçısının müavini, MTN-nin keçmiş şefi Eldar Maumudovun yaxın qohumu Yavər Allahverdiyevin az qala şəxsi yavərləri olublar və bu bölgədə, sürüşmə bölgəsində torpaqların qeyri-qanuni olaraq satılmasında iştirakçı olublar. Bu gün isə bələdiyyə sədri Həbib Abdullayev yaxasını kənara çəkərək bütün məsuliyyəti gah Yavər Allahverdiyevin, gah da Səbael rayonunda hazırda müavin olan Abit Əliyevin üzərinə yıxmaqla yaxasını kənara çəkir. Amma sir deyil ki, bu gün torpaqların satılması, özü də qeyri-qanuni satılması bələdiyyə sədrlərinin iştirakı olmadan mümkün deyil.

GundemXeber.az-a daxil olan məlumata görə, hətta Badamdar bölgəsində olan alqı-satqı bürolarının da böyük əksəriyyəti Həbib Abdullayevlə şərikdirlər və onların vasitəsi ilə tapılan müştərilər bələdiyyəyə dəvət olunur. Gəlin elementar faktlara baxaq. Bu gün kimsə tutalım Badamdarda qeyri-rəsmi olaraq sotu 30-40 min manat olan boş torpaq sahəsindən bircə sot zəbt edib, ev tikə bilərmi? Yəqin ki, bunu deyənə gülərsiniz. Amma Badamdar bələdiyyəsinin sədri bildirir ki, onun bu torpaqların zəbtindən xəbəri yoxdur və dediklərindən belə çıxır ki, yəqin bu torpaqlar yiyəsiz olduğuna görə qəpiksiz olaraq kimlərsə tərəfindən ələ keçirilib, ya da icra hakimiyyətinə getmək lazımdır. Başqa sözlə başı möhürlü, namazlı Həbib Abdullayev otağının pəncərəsindən kənara nə baxa bilər, nə də hansısa göstərişi verə bilər. Məsələ isə fərqlidir. Hələ bir neçə il öncə rayonların birinin bələdiyyə sədri həbs olunan zaman maraqlı bir maxenasiya xətti ortaya çıxdı. Aydın oldu ki, torpaqların qeyri-qanuni satışı sistemi aşağıdakı kimidir.

Deməli müştəri göz altı etdiyi ərazi ilə bağlı bələdiyyəyə gedirmiş, orada ilkin razılaşma edilir, sənədsiz torpaq üçün ayrıca haqq alınır və sənədləşmə üçün isə icra hakimiyyətinə getmək məsləhət görülür. Yox əgər imkanların yaxşıdırsa bütün məsələləri elə bələdiyyənin özündə də həll etmək mümkün olurmuş. Bunu isə Həbib Abdullayevin elə belə olaraq nəzərinə çatdırdıq. Çox maraqlıdır ki, bu şəkildə torpaqlar satılan zaman bələdiyyələr hüquqi baxımdan heç bir məsuliyyət daşımırlar. Amma bələdiyyə sədrlərinin oliqarxa çevrilmələrinin səbəbləri hələ də “aydın” deyil. Bax bütün bunlardan sonra yeni icra hakimiyyəti başçıları hansı səmərəli nəticələr əldə edə bilərlər? Bundan başqa qeyd edək ki, hazırda ən çox islahatların həyata keçirilməli olan orqanlardan biri də bələdiyyələrdir. İdarəetmə sistemində az qala qara yaraya çevrilən bələdiyyələr qanunsuz fəaliyyətdən başqa ortaya heç nə çıxara bilmirlər və bir çox bələdiyyələrdə bələdiyyə üzvləri demək olar ki, oyundan kənarda saxlanılır və sədrlə onun əl altısı bütün məsələlərin başında dayanırlar. Necə ki, Badamdar bələdiyyəsində də Həbib Əsədovla Bələdiyyə Vergi şöbəsinin rəisi Ramiq Mustafa birliyi mövcuddur. Bu haqda gələn yazıda...(GundemXeber.Az)

Dosye.org

Abel Məhərrəmovun qardaşı vəzifədən çıxarıldı? – Rəsmi

abe.jpg

Ədliyyə Nazirliyi Kadrlar İdarəsinin rəisi Rauf Məhərrəmovun tutduğu vəzifədən azad edilməsi ilə bağlı yayılan məlumat həqiqətə uyğun deyil.

Dosye.org xəbər verir ki, bu barədə Ədliyyə Nazirliyinin mətbuat xidmətindən məlumat verilib. Nazirlikdən qeyd edilib ki, bəzi xəbər portallarında yayılan bu məlumatlar tamamilə uydurma olmaqla sensasiya xarakteri daşıyır və R.Məhərrəmov hazırda iş başındadır, öz vəzifəsini icra edir.

Qeyd edək ki, az öncə bəzi xəbər saytları BDU-nun keçmiş rektoru Abel Məhərrəmovun qardaşı, Ədliyyə Nazirliyinin Kadrlar İdarəsinin rəisi, general Rauf Məhərrəmovun vəzifəsindən uzaqlaşdırılması barədə xəbər yayıb.

Dosye.org

''Neftçala İcra Hakimiyyətinin başçısı məndən 70 min manat alıb''

 

nef.jpg

Masallı rayon sakini Rafiq Abasət oğlu Həsənov BakuNews.az-a müraciətində bildirir ki, Neftçala rayon İcra Hakimiyyətinin başçısı İsmayıl Vəliyev bu rayonda icarəyə götürdüyü 500 ha torpaq sahəsinin müqabilində 23 dekabr 2015-ci ildə 70 min manat pul alıb.

Şikayətçi bildirir ki, o pulu Neftçala rayon torpaq şöbəsinin müdiri Mustafa Əliyevin iştirakı ilə verib. R.Həsənov əməkdaşımızla söhbətində bildirdi ki, RİHB-yə 70 min manat pulu verdikdən sonra İsmayıl Vəliyevin imzası ilə ona 2 sərəncam təqdim edilib. “Bu sərəncamlardan biri mənə 500 ha torpaq sahəsini icarəyə verməklə bağlı idi, digəri isə həmin ərazinin 1 ha-da müəyyən tikinti işlərinin aparılmasına icazə verilirdi.

Xatırladım ki, icarəyə götürdüyüm ərazidə 42 nəfər Neftçala sakini işləyirdi. Mən həmin ərazidə 120-dən çox iri buynuzlu, 600 baş isə xırda buynuzlu heyvan saxlayırdım. Təxminən bir il sonra Rafiq İbrahim adlı birinin təzyiqinə məruz qaldım. R.İbrahimov icra başçısının adından çıxış edərək mənə rəsmi icarəyə verilmiş ərazidən çıxmaq üçün müxtəlif vasitələrlə təzyiqlər etməyə başladı. Məsələ ilə bağlı RİH-ni hüquq şöbəsinin müdirinə müraciət etdim. əvəzində isə o mənə şikayət etməməyi məsləhət gördü. Belə olan təqdirdə müxtəlif instansiyalara, o cümlədən ölkə başçısına, I vitse-prezidentə, ƏN-ə və s. rəsmi orqanlara kömək üçün müraciət etdim.

Lakin bu günə kimi R.İbrahimovu mənə məxsus ərazidən çıxara bilmirəm. Onu da qeyd edim ki, aramızdakı münaqişə ilə bağlı məhkəmə qətnaməsi də var. Qətnaməyə əsasən R.İbrahimov ərazini tərk etməlidir. Lakin nədənsə qərar bu günə kimi icra olunmur. R.İbrahimov həmn ərazidə müxtəlif kənd təsərrüfatı məhsulları əkdirir. Məndə olan məlumata görə onu Neftçala rayon İHB İsmayıl Vəliyev müdafiə edir. Qəribədir bir il əvvəl məndən 70 min manat alıb sərəncam verdiyi ərazinin qısa müddət sonra başqasına verir. Mən məhkəmə qərarının icrasının yubadılması ilə bağlı yerli icra şöbəsi ilə dəfələrlə əlaqə saxlamışam. Və onlardan hakim cənab Əli Tağıyevin 16 noyabr 2017-ci il tarixli qətnaməni nə üçün icra etmədiklərini soruşsam da, qane edəcək cavab almamışam.

Mətbuat vasitəsilə cənab Prezidentə müraciət edirəm, mənə kömək edin. Sizin yerdəki təmsilçiniz nəinki mənim əlimdən pulumu alıb, o cümlədən Sizin fermerlərə yönəli siyasətinizə də qarşı çıxır.

Göründüyü kimi vətəndaşın iddiası olduqca diqqətçəkicidir. Xatırladaq ki, yerli icra hakimiyyəti başçıları cənab prezidentin əyalətdəki təmsilçiləridirlər. Məhz onların xalqla davranışları ölkə başçısının nüfuzunun yüksəlməsinə, xalqın onun ətrafında sıx birləşməsinə səbəb olmalıdır. Təəssüf hissi ilə qeyd edək ki, bu müraciətdən görünən odur ki, Neftçala rayon İcra Hakimiyyətinin başçısı İsmayıl Vəliyev öz əməlli ilə bu siyasəti sabotaj etməklə məşğuldur. İsmayıl Vəliyevin diqqətinə bunu çatdırmağı mətbuat olaraq özümüzə borc bilirik. Cənab prezident İlham Əliyev Nazirlər Kabinetinin iclaslarından birində dediyi söz hesab edirik ki, bu gün də aktualdır. “Bundan sonra özlərini "kiçik padşah” kimi aparan icra başçıları daha bu əməllərini davam etdirə bilməyəcəklər.” Düşünməyə dəyər.
Mövzuya qayıdacağıq.

Yazıda adları çəkilən şəxslərin mövqeyini dinləməyə hazırıq.

Dosye.org

“Brain Ring” izlə, “Nar”-dan hədiyyə qazan!

nor.jpg

“Nar”-ın dəstək olduğu “Brain Ring” intellektual bilik yarışlarının 12-ci mövsümü davam edir. Hər il olduğu kimi, bu mövsüm də televiziya tamaşaçıları üçün xüsusi bir müsabiqə keçirilir.

Beləki, yarışın yayımı zamanı “Nar”-ın “Twitter” hesabında qoyulan suala ən tez cavab verən izləyicilər xüsusi hədiyyələr qazanırlar. “Brain Ring” həvəskarları bu intellektual yarışı izləmək fürsəti ilə yanaşı, həm də “Nar”-dan hədiyyə qazanmaq şansı əldə edirlər. 

Oktyabr ayının qalibləri olan “Twitter” istifadəçilərinin adları artıq məlumdur: Fərhad Məmmədli (https://twitter.com/BadFarhad), Rəfi Əsgərli(https://twitter.com/refiesgerli), Elvin Abbasov (https://twitter.com/abbasovbm), A.Abbasovadır (https://twitter.com/a_ayaone).
Qeyd edək ki, “Brain Ring” intellektual yarışlarında respublikanın müxtəlif bölgə və ali məktəblərini təmsil edən komandalar bilik mübarizəsi aparırlar. Dekabr ayının sonunadək davam edəcək yarışlar hər həftənin bazar günü saat 22:00-da İctimai TV vasitəsilə yayımlanır.
Ətraflı məlumatı https://twitter.com/salam_nar hesabından əldə etmək mümkündür.

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib.. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. “Nar” şəbəkəsi hazırda ölkə ərazisinin 93%-ni əhatə edir və 7000-dən artıq baza stansiyası ilə 2,1 milyondan çox abunəçiyə yüksəkkeyfiyyətli xidmət göstərir.

Dosye.org

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.