manset


Gədəbəyin təhsil şefi məhşər ayağına çəkilir

şe.jpg

Gədəbəyin sabiq başçısı Ramiz Yediyarova görə təhsil şöbəsi müdiri Baxış Nağıyev təşvişdədir

Dosye.org-un məlumatında bildirilir ki, B.Nağıyev Maliyyə Nazirliyi və Hesablama Palatasının təftiş komissiyasına ziyafət verməkdə ittiham olunub.

Bu haqda Dosye.org-a Oktay Əliyev söyləyib. Onun dediyinə görə, komissiya üzvləri təhsil şefinin villasında kef çekiblər. R.Yediyarovun cəfasını çəkərək onu qorumağa cəhd göstərmiş B.Nağıyev indi məhşər ayağına çəkilə bilər.

Şikayətçi O.Əliyev qeyd edib ki, Yediyarovdan sonra rayona Maliyyə Nazirliyi, Hesablama Palatası təftiş komissiyası gəlib:

“Komissiyanın üzvləri təftiş dövrünü rayonun ən çox korrupsiyalaşmış şəxsi olan B.Nağıyevin villasında gecələyiblər, yeyib içib kef çəkiblər. Ona görə də 8 aydır bunların yoxlamasından xəbər yoxdur.

Hətta sonuncu gələn Hesablama Palatasının komissiyası Sosial Müdafə Mərkəzində yoxlama aparmasına baxmayaraq Yediyarovun dövründə verilmiş saxta veteran müavinətlərini belə üzə çıxartmadı.

Yaxşı bəs bunlar nə üçün gəlmişdilər? Belə çıxır ki, Yediyarov günahsız imiş? Axı Yediyarovun bu gün də vəzifə başında olan adamlarının cinayətlərindən, haram yolla topladıqları çoxsaylı əmlaklardan xəbəri olmayan yoxdur”.

R.Yediyarov “vurulmuş” kadrdır, ona yeni vəzifə verilməyəcək, istintaqda dindirilib, ayağında böyük yeyinti var. Amma belə şəxsə Gədəbəyin təhsil müdiri qahmar çıxıb.

B.Nağıyev fərqində deyil ki, necə birinə qahmar çıxır, onun uğrunda komissiya ilə bazarlığa gedir. Məsələ yuxarıların nəzərinə çatarsa, onun təhsildəki postu itirilə bilər.

Üstəlik, sual olunur, təhsil şöbəsi müdiri villaya hardan sahiblənib? Onun aldığı dövlət maaşı malikanə inşa etdirməyə çata bilməz.

Görəsən, O.Əliyevin dediyi kimi – B.Nağıyev komissiya üzvlərinə qonaqlıq verməklə nə məqsəd güdüb? Təkcə zifayətlə iş bitib yoxsa…

Cahan.info mediaya istinadla xəbər verir ki, Gədəbəydə 1 peşə təhsili, 55 tam orta, 18 ümumi orta və 10 ibtidai, 3 məktəbdənkənar tədris və 8 məktəbəqədər tədris müəssisəsifəaliyyət göstərir.

Baxış Nağıyevin rəhbərlik etdiyi Gədəbəy Rayon Təhsil Şöbəsində bir sıra ciddi əyintilərə yol verilir. Şöbə müdiri isə bu kimi halların daha geniş vüsət almasına şərait yaradır.

Belə ki, Baxış Nağıyev Gədəbəy rayonunda fəaliyyət göstərən əksər təhsil müəssisələrinin rəhbərlərinə öz “qayda”larını diqtə edir.

Maraqlı məqam ondadır ki, rayon təhsil şöbəsinin müdiri də Gədəbəy Rayon Maliyyə İdarəsinin rəisi Namiq Məmmədovun nəzarətindədir. Yəni Baxış Nağıyev də bir sıra məsələlərlə bağlı qərarı məhz maliyyə idarəsinin rəisi ilə məsləhətləşdikdən sonra qəbul edir.

Bu səbəbdən də o, rayon təhsilini ürəyi istədiyi kimi idarə edir. Hazırda Gədəbəy rayonunun kənd orta məktəblərində dərs davamiyyəti həddindən artıq aşağı səviyyədədir. İş o həddə çatıb ki, yuxarı siniflərin şagirdlərindən bəziləri illərlə məktəb üzü görmədikləri halda, adları sinif jurnallarında əksini tapır.

Yekunda isə valideynlər bəzi yollarla övladlarına attestat almağa nail olurlar. Yəni, dərsə getməsə də, uşaqların məktəbi bitirmələri haqqında sənəd almaq elə də çətin məsələ deyil.

Artıq Təhsil Nazirliyi Gədəbəy Rayon Təhsil Şöbəsinin, eləcə də şöbə müdiri Baxış Nağıyevin fəaliyyətinə ciddi nəzər yetirmək qərarına gəlməlidir.

Artıq Gədəbəy Rayon Təhsil Şöbəsində ciddi araşdırmaların aparılması, eləcə də Baxış Nağıyevin fəaliyyətinin yoxlanılması istiqamətində bir sıra tədbirlərə başlanıldığı iddiaları səslənir.

İndiyədək bu və digər məsələlərlə əlaqədar mətbuat vasitəsilə Gədəbəy Rayon İcra Hakimiyyətinə, Təhsil Nazirliyinə və digər müvafiq strukturlara lazımi məlumatlar verilsə də, hələ ki, heç kim Baxış Nağıyevin barəsində lazımi tədbir görməyib.

Görünür, bu, rayon təhsil şöbəsinin müdirinin arxalandığı şəxsin – Gədəbəy Rayon Maliyyə İdarəsinin rəisi Namiq Məmmədovun nüfuzlu şəxslərdən biri tərəfindən himayə olunması ilə bağlıdır.

Qarşı tərəfin mövqeyini dərc etməyə hazırıq.

Dosye.org

“Nar”-ın korporativ müştərilərinin sayı artmaqdadır

nor.jpg

Ölkənin ən gənc və innovativ mobil operatoru “Nar”-ın korporativ müştərilərinin sayı ildən-ilə artmaqdadır. Son 1 ildə mobil operatorun korporativ müştərilərinin sayı 30% yüksəlib.

Hər bir abunəçisinə xüsusi diqqət göstərən “Nar”, korporativ müştəriləri ilə mütəmadi görüşlər keçirir. Görüşün keçirilməsində əsas məqsəd korporativ müştərilərə mobil operatorun yeni imkanları barədə məlumatın verilməsi və əlaqələrin gücləndirilməsidir. Növbəti dəfə “Nar” 100-ə yaxın şirkətdən 250-yə qədər korporativ müştərisinin iştirakı ilə “Cinema Plus” kinoteatrının “Nar” zalında yeni filmə tamaşa ediblər. Filmdən sonra iştirakçılar arasında lotoreya keçirilib və qalib müştərilərə “Nar” tərəfindən xüsusi hədiyyələr verilib.

Qeyd edək ki, biznes tərəfdaşlarının sayını sürətlə artıran “Nar” daha sərfəli şərtlərlə əməkdaşlıq təklif edir. “Nar” korporativ müştərisi olmaqla, sahibkarlar öz biznes tələblərinə uyğun olan təkliflərdən yararlanmaqla yanaşı, keyfiyyətli rabitə və sərfəli qiymətlərdən faydalana bilərlər. Belə ki, korporativ tariflərdən birini seçməklə, müştərilər sərfəli qiymətə yeni model smartfon əldə edə bilərlər. Smartfonu əldə etmək üçün 1 “Nar” nömrəsinin korporativ tarifdə olması kifayətdir. Korporativ tarif planlarına şirkətdaxili limitsiz danışıq dəqiqələri əlavə edilir. Sözügedən tariflər aylıq 8 AZN-dən başlayan abunə haqqı ilə təklif olunur. İnternetdən daimi istifadə edən iş adamları isə “Nar”-ın pulsuz 4G data modem və data nömrələrini əldə edə və 1 il müddətində, xüsusi endirimlə, aylıq 20 GB mobil internetdən yararlana bilər.

Korporativ tərəfdaşlıq üçün 777 telefon nömrəsi və ya Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron poçt ünvanı vasitəsilə əlaqə saxlamaq olar. Təkliflərdən yalnız sahibkarlıq fəaliyyəti ilə məşğul olan hüquqi və ya fiziki şəxslər yararlana bilərlər.

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib.

“Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. "Nar” şəbəkəsi hazırda ölkə ərazisinin 97%-ni (işğal olunmuş ərazilər istisna olmaqla) əhatə edir və 7400-dən artıq baza stansiyası ilə 2,2 milyona yaxın abunəçiyə yüksəkkeyfiyyətli xidmət göstərir. 2017-ci ildə keçirilmiş mobil rabitə şəbəkələrinin müqayisəli testlərinə əsasən “Nar” şəbəkəsi mobil zəng xidmətlərinin göstərilməsi üzrə ölkədə ən yüksək nəticəyə nail olub. Sınaqları test xidmətləri üzrə müstəqil beynəlxalq şirkət olan “P3 Communications” keçirib və sınaq metodologiyası əhatəli xidmətlər üzrə müştəri təcrübəsinə əsaslanıb.

Dosye.org

"Xırman" şirkətindən "30 fevral" tarixli qida məhsulu ilə bağlı açıqlama - ARAŞDIRMA

qay.jpg

Sosial şəbəkələrdə "Xırman" şirkətinə məxsus "Qaymaq Premium" qida məhsulunun fotosu paylaşılmaqdadır.

Fotodan göründüyü kimi, məhsulun istehsal tarixi 30.12.2018-ci il, son istehlak tarixi isə 30.02.2019-cu ili göstərir. Daha doğrusu, Azərbaycan məhsulu olan bu qida növündən istifadə fevral ayının 30-adəkdir. Halbuki, fevral ayı ümumiyyətlə, heç vaxt 30 gün olmur! Bu da o deməkdir, sözügedən şirkətdə məsuliyyətsizlik pik nöqtədədir.

Məsələ ilə bağlı “Xırman şirkəti”nin layihə rəhbəri Leyla Quliyeva ilə əlaqə saxladıq. Şirkət sözçüsü cəmiyyətdə yaranmış gərginliklə bağlı xəbərdar olduqlarını söylədi:

- Məhsulumuzdan yad bir cisim çıxmayıb, hər bir şey qaydasındadır. Bircə “fevral” məsələsidir də. Texnikadır də... insan beyni deyil ki... texnika insan tərəfindən avtomatlaşdırır. Müştərimiz paylaşıb, biz hər kəsə hörmətlə yanaşırıq. Amma biz burda dəhşətli dərəcədə səhv görmürük. Texniki səhvdir də, hər kəsin başına gələ bilər. Forsmajor vəziyyətdən heç kim sığortalanmayıb.

- Belə çıxır ki, “texniki səhv” dediyiniz hadisə hər an hər hansı bir məhsulunuzun başına gələ bilər?! Yəni qəflətən vaxtı keçmiş bir məhsulunuzun da üzərinə yeni tarix yazılar

- Xeyr, elə bir şey mümkün deyil. Çünki bəzi vaxtı qısa olan məhsulların etiketindəki tarixlər başqa aparat tərəfindən yazılır. Amma şüşənin üzərinə vurulan etiketlər, bu da başqa avadanlıq tərəfindən yazılır. Düzdür, mən demirəm ki, bu bizim məsuliyyətimiz kənarındadır, təbii ki, burda işçi məsuliyyətsizliyi olub, fikir verməliydi, üzərinə bir-bir baxılmalıydı. Təbii ki, bunları inkar etmirik. Amma bu, şişirdiləsi bir məsələ deyildi. Təbii, bununla bağlı iradlar bildirilib. İş görülür də bununla bağlı aidiyyatı orqanlarda. Biz hesab etmirik ki, bu, hər hansı bir ciddi səhvdir.

- Hadisə şişirdilməklə yanaşı, həm də şirkətiniz gülüş obyektinə çevrilib...

- Ətrafımızda o qədər problemlər, səhvlər var ki, onların yanında bunu şişirtmələri... görünür, diqqətli olmalıyıq. Bu, QOST texnologiyadır. Biz insanları aldatmırıq. İstehsalla bağlı heç bir səhvimiz çıxmayıb. Bu prosesdən hali olanlar bilirlər ki, məhsulun üzərinə etiketi avadanlıq vurur. O da 60 gündənbir hesabladığına görə fevralın 28 və ya 29 və yaxud da 30-31 olmadığını bilmir. Təbii ki, səhvimiz o oldu ki, şüşələrin üzərinə baxılmalıydı.

- Məhsullarınız yığışdırılıb mağazalardan? Yoxsa satışa davam edirsiniz

- Yığışdırılıb. Biz gecə bilmişik. Səhərdən etibarən işə başlamışıq

- Qida Təhlükəsizliyi Agentliyi məsələdən xəbərdardırnı? Sizə irad bildirilib

- Bəli, bildirilib.

P.S. “Xırman” şirkətinin məsul işçisi sözügedən hadisəni texniki avadanlığın səhvi adlandırsa da, bu hadisəni şişirtməyi mənasız hesab etsə də, əslində, ciddi bir problem qabardılıb! Əvvəla, məhsulun üzərində son tarix yoxdur, bu da o deməkdir ki, müştəri zəmanətsiz mal alır. Bu, işə qarşı məsuliyyətsizlik, müştərilərə olan diqqətsizlik və hörmətsizlikdən savayı bir şey deyil. Burdan belə görünür ki, mal alarkən daha diqqətli olmalıyıq! İstehsal və son istehlak tarixlərinə nəzarəti gücləndirməliyik. Bundan başqa, böyük şirkətlərin mallarına üstünlük verməliyik.

Dosye.org

 

GDU-da media nümayindələri 500 tələbənin biliyinin yoxlandığı imtahan prosesini izləyiblər

gdu1.jpg

Gəncə Dövlət Universitetində (GDU) 2017-2018-ci tədris ilinin yaz sessiyasının gedişini müşahidə etmək üçün KİV-lərin nümayəndələrinin iştirakı ilə mediatur təşkil olunub. Mediaturda tələbələrin valideynləri və ictimaiyyət nümayəndələri də iştirak ediblər.

Universitetin mətbuat və ictimaiyyətlə əlaqələr xidməti xəbər verir ki, media nümayəndələri imtahan otaqlarında olub, ayrı-ayrı fənlər üzrə 500 nəfər tələbənin biliyinin eyni vaxtda yoxlandığı yazılı imtahan prosesini izləyiblər.

Rektorun müşaviri Asif Cavadov, tədris işləri üzrə prorektor Fəxrəddin Məmmədov, humanitar işlər üzrə prorektor Gülsüm Fətəliyeva və fakültə dekanları KİV təmsilçilərinə imtahan prosesi barədə ətraflı məlumat verib, media nümayəndələrini maraqlandıran sualları cavablandırıblar.

Bildirilib ki, ümumilikdə altı min tələbənin biliyinin yoxlanacağı imtahan sessiyası həm əyani, həm də qiyabi şöbə üzrə yazılı, şifahi formada, test üsulu və qabiliyyət üzrə olmaqla iyulun 5-dək davam edəcək. İmtahan sessiyasının mövcud normativ sənədlərə uyğun təşkili məqsədilə universitet rəhbərliyi tərəfindən xüsusi komissiya yaradılıb. Sessiyanın beynəlxalq təcrübəyə əsaslanması və otaqların imtahan başlananadək materialla təchiz edilməsi, sessiya dövründə fənn müəllimlərinin və imtahan nəzarətçilərinin müvafiq izahat işləri aparması, eyni zamanda, sessiyanın obyektiv və qaydalara uyğun keçirilməsinə kömək etmək məqsədilə tələbə təşkilatlarının da imtahanın keçirilməsində iştirakı təmin edilib.

Vurğulanıb ki, GDU-da 2017-2018-ci tədris ilinin yaz semestrinin imtahan sessiyasının müvafiq təlimatlara və əsasnamələrə uyğun keçirilməsini təmin etmək məqsədilə imtahan sessiyası dövründə yarana biləcək neqativ halları dərhal araşdırmaq və müvafiq tədbirlər görmək, habelə sessiyanın şəffaf, normativ sənədlərə uyğun keçirilməsinə kömək etmək üçün operativ qərargah fəaliyyətə başlayıb.

Eyni zamanda, universitetin gdu.edu.az saytında yerləşdirilmiş telefon nömrələri, rəsmi “facebook” ünvanı olan “Gəncə Dövlət Universiteti”, Bu email ünvanı spambotlardan qorunur. Onu görmək üçün JavaScripti qoşmaq lazımdır. ünvanlı elektron poçtu və “Qaynar xətt” elan edilib.

Həmçinin bu il ilk dəfə həm semestr ərzində, həm də sessiya dövründə tələbələrin yarana biləcək problemlərinin aradan qaldırılması məqsədilə Tələbə Ombudsman Mərkəzi fəaliyyətə başlayıb.

Sonra Tələbə Ombudsman Mərkəzinin fəaliyyəti və ombudsmana müraciət forması barədə mediatur iştirakçılarına məlumat verilib.

Mediatur iştirakçılarına bu il universitetdə infrastrukturun yenilənməsi, maddi-texniki bazanın zənginləşdirilməsi istiqamətində aparılan işlər, eləcə də ali təhsil müəssisəsində yaradılan idarəetmə, tədris və imtahan prosesi, Azərbaycanın və Avropanın qabaqcıl elm-təhsil ocaqları ilə yaradılan ikitərəfli qarşılıqlı əməkdaşlıq istiqamətləri, həyata keçirilən səmərəli beynəlxalq layihələr və onların müsbət nəticələri haqqında məlumat verilib.

Çıxış edənlər media mənsubları ilə ali təhsil müəssisəsi arasındakı əməkdaşlığın mahiyyətindən söz açaraq bu əlaqələrin davamlı olmasının əhəmiyyətini vurğulayıblar.

KİV-lərin təmsilçiləri prosesin təşkili və gedişatından razılıqlarını ifadə ediblər. Bildirilib ki, imtahanların gedişatında obyektivlik və şəffaflıq təmin olunub, sessiya normativ sənədlərə uyğun təşkil edilib, tədris müddətində tələbələrin mənimsədikləri biliklərin imtahan prosesində nümayişi üçün hər cür şərait yaradılıb.

ELÇİN CAVADOV,

Gəncə Dövlət Universiteti,

texnika elmləri doktoru,dosent

 

DYP: Təhlükəsizliyin təmini üçün tədbirlər görülür

qai.JPG

Şimal regionları yay və qış aylarında yerli və əcnəbi turistlərin mütəmadi olaraq səfər etdikləri bölgələrdəndir.

Öz füsunkar təbiəti ilə turistləri özünə cəlb edən Quba rayonu isə hər zaman qonaqlı-qaralı olur.Qəçrəş meşəsi, Çənlibel gölü, Afurça şəlaləsi, Təngəaltı, Xınalıq kəndi və digər gözəl yerlər gələn qonaqların ən çox baş çəkdiyi yerlərdəndir.

Turizmin inkişaf etdiyi Quba rayonunda ictimai asayişin qorunması və gələn qonaqların istirahətini rahat və sərbəst keçirmələri, həmçinin onların təhlükəsizliyin təmin edilməsi üçün Rayon Polis Şöbəsinin əməkdaşları sayıq xidmətdədirlər.

Rayonda yol hərəkət qaydalarına riayət olunması və baş verə biləcək qəzaların qarşısının alınması istiqamətində Dövlət Yol Polisi Bölməsi əməkdaşları səylə çalışırlar. Görülən qabaqlayıcı tədbirlər barədə danışan DYPB-nin rəisi, polis mayoru Valeh Cavadov bildirdi ki, qış aylarında hava şəraitinin qarlı və yağışlı keçməsi ilə əlaqədar inspektorlar tərəfindən qəzaların sayının minimuma endirilməsi və yol hərəkəti qaydalarına riayət olunması məqsədilə mütəmadi olaraq reydlər keçirilir, spirtli içki qəbul edən sürücülər saxlanılaraq barələrində qanunauyğun tədbirlər görülür. Belə tədbirlərin mahiyyətindən danışan həmsöhbətim, geridə qoyduğumuz 2018-ci il ərzində rayon ərazisində qeydə alınan qayda pozuntuları haqda da məlumat verdi.

Bildirdi ki, 2018-ci ildə rayon ərazisində qayda pozan sürücülər barəsində 6755 inzibati protokol tərtib. Bunlardan 128-i nəqliyyat vasitəsini sərxoş halda idarə edənlər, 153-ü isə sürücülük hüququ olmadan nəqliyyat vasitəsini idarə edənlər barəsindədir. Bundan əlavə manevr qaydalarını pozan sürücülər barəsində 319, ötmə qaydalarını pozan 156 və əks hərəkət zolağına çıxaraq hərəkəti davam etdirən 159 protokol tərtib edilib.

Rayon ərazisində avtoxuliqanlıq etdiyinə görə YPX-nin əməkdaşları tərəfindən keçirilən tədbirlərlə 23 protokol tərtib olunub və Quba rayon Məhkəməsi tərəfindən müvafiq qərar qəbul edilib. Həmçinin yollarda müəyyən edilmiş piyada keçidləri və zolaqlarından istifadə etməyərək həyatlarını real təhlükə altına atan şəxslərlə fərdi söhbət aparılıb, 278-i barəsində protokol tərtib edilib.

Rayon ərazisində baş verən yol nəqliyyat hadisələri haqda məlumat verən bölmə rəisi bildirdi ki, qeyd olunan müddətdə Quba rayonu ərazisində 27 yol nəqliyyat hadisəsi baş verib. Yol qəzalarında dünyasını dəyişənlərin sayında azalma olduğunu deyən polis mayoru, qeyd edib ki 2018-ci ildə baş verən hadisələrdə 3 nəfər həyatını itirib ki, bu da əvvəlki illə müqayisədə 2 dəfədən çox azdır.

Sürücülərlə aparılan profilaktiki söhbətlərin müsbət nəticələr verdiyini bildirən polis mayoru, qayda pozan sürücülər barəsində tərtib edilən inzibati protokolların ödənilməsi göstəricisinin də yüksək olduğunu bildirib. 2018-ci il ərzində tərtib olunan 6755 inzibati protokolun 83.6 faizi qayda pozmuş sürücülər tərəfindən ödənilib.

Eyni zamanda 2018-ci ildə sürücülərin və piyadaların hərəkətinin tənzimlənməsi istiqamətində görülən işlər çərçivəsində Quba rayonunda ümumilikdə 1500 yol nişanı dəyişdirilərək yenisi ilə əvəz edilib. Bunlardan 483 rayon mərkəzində, 1017 isə ətraf rayon və kəndlərə gedən yollarda quraşdırılıb.

Söhbətimiz sonunda polis mayoru Valeh Cavadov bildirdi ki, DYPB-nin əməkdaşları tərəfindən mütəmadi olaraq rayon və kəndlərdə yerləşən təhsil ocaqlarında şagirdlərlə maarifləndirici görüşlər keçirilir, gələcəyin sürücüləri olan məktəblilərə yol hərəkəti qaydaları və yol nişanları haqqında geniş məlumatlar verilir. Bunun nəticəsidir ki azyaşlıların iştirakı ilə baş verən yol nəqliyyat hadisələrinin sayı minimuma enib.

Xəbər Lenti



 

 

Рейтинг@Mail.ru

Ünvan: Azərbaycan Nəşriyyatı Dosye.org redaksiyası. Baş direktor Elman Nigaran. tel: (055) 251 59 95
email: dosye.org@mail.ru
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.