Xəbər verdiyimiz kimi, bir neçə həftə əvvəl Sputnik agentliyinin Azərbaycan nümayəndəliyinin rəhbərliyində növbəti kadr dəyişikliyi baş verib. Mərkəz azərbaycanlı jurnalist, milliyyətcə anası erməni olan Əziz Əliyevin yerinə hansısa Vitali Denisovu büroya rəhbər təyin edib.
Bəli, hansısa, çünki Denisovun “Zavtra” qəzetinin jurnalistləri adı altında Dağıstanda və Çeçenistanda işləmiş QRU polkovnikləri – İqor Qirkin (Strelkov) və Aleksandr Boroday kimi jurnalistikaya “bağlılığı” eynidir.
Bu haqda Haqqin.az saytı geniş məqalə ilə çıxış edib. Sayt yazır ki, Denisov Bakıya qaynar nöqtədən – separatçı Cənubi Osetiyadan gətirilib. Yəni, Marqo Simonyan və onun Moskva kuratorları bu qəribə təyinatla Azərbaycana öz həqiqi münasibətini bildiriblər.
Kəşfiyyatçı jurnalist
Denisov tam olaraq jurnalist deyil. Əldə edilən məlumata görə, Rusiya xüsusi xidmət orqanlarının polkovniki Denisov Cənubi Osetiyada strateji tapşırıqlar icra edib. Və bu, onun yerinə yetirdiyi ilk “tapşırıq” deyil. Denisov Sxinvaliyə ilk dəfə leytenant rütbəsində 1989-cu ildə separatçı əhval-ruhiyyənin qızğın vaxtında və ilk anti-gürcü silahlı dəstələrinin formalaşdığı bir vaxtda gəlib.
Görünməz cəbhənin döyüşçüsü “qəribə təsadüf nəticəsində” Rusiya-Gürcüstan müharibəsi başa çatdıqdan sonra separatçı respublikada qalıb. O, münaqişədən sonrakı dövrdə vəziyyəti lokallaşdırmaq üçün xüsusi qrupun üzvü olub. Separatçı respublikanın “prezidenti”nin administrasiyası rəhbərinin müavini vəzifəsində çalışıb.
Keçən ilin payızında onlar Denisovu Sxinvalidə öz mənzilində zəhərləməyə cəhd ediblər. Hər halda bunu kəşfiyyatçı jurnalistin özü, sonra isə Simonyan deyib. Nəticədə hadisəni Gürcüstan xüsusi xidmət orqanlarının üstünə ataraq ort-basdır etməyə çalışıblar.
Və birdən-birə Simonyan və onun kuratorları xüsusi xidmət orqanlarının gizli “döyüşlərində” belə zəngin təcrübəyə malik “xüsusi mütəxəssis” Azərbaycana jurnalistika ilə məşğul olmaq üçün göndərilir. Mərkəz yeni rezident, daha doğrusu xüsusi xidmət orqanlarının baş redaktoru haqda ən yaxşı rəyini verib.
Simonyan-Əli Həsənov sevgisi
Polkovnik ilk növbədə Ermənistan və Qarabağdakı vəziyyətlə bağlı tənqidi materialların dərcini qadağan etməklə azərbaycanlı jurnalistlərin yaradıcılıq imkanlarını məhdudlaşdırıb. Amma eyni zamanda, Denisov redaksiyanın işində əsas istiqamətləri müəyyənləşdirib:
Azərbaycan həyatının ən problemli tərəflərini işıqlandırmaq və ölkədəki sosial problemləri qabartmaq.
PA-ın keçmiş şöbə müdiri Əli Həsənovun Moskva səyahətlərinin birindən sonra onun qeyri-məhdud hakimiyyətinin çiçəkləndiyi bir vaxtda gözlənilmədən Bakının tam mərkəzində Simonyan xidmətinin şöbəsi peyda olub. Özü də Əli Həsənovun şəxsi apartamentində – Beynəlxalq Mətbuat Mərkəzində.
Xatırladaq ki, oliqarx Həsənovun korrupsioner pullarla tikilmiş dəbdəbəli daşınmaz əmlakı Azərbaycanın Rusiyaya muxtariyyət kimi qoşulması ideyasını inkişaf etdirən nəşrlərin və redaksiyaların çiçəklənməsi üçün bir tramplin olub.
Rusiyaya köçmək arzusu
Azərbaycanın keçmiş yüksək rütbəli məmurlarından biri zamanında qeyd edirdi ki, Əli Həsənov Rusiya hakimiyyətinin və xüsusi xidmət orqanlarının tanınmış nümayəndəsini evinə dəvət edib və bu ziyafətdə rus mətbəxinə üstünlük verilib.
Həsənovun Moskvaya işləməsi haqda söz söhbət çoxdan gəzirdi və o, itaətkarlıqla “baş rəisləri”nin bütün tapşırıqlarını yerinə yetirirdi.
Əli Həsənovun xəyanəti
Bir vaxtlar, Həsənov Kreml kuratorlarının və Simonyanın göstərişi ilə ayrıca Sputnik radiostansiyası yaratmaq ideyasını həyata keçirməyə çalışdı.
Uzun danışıqlardan, aparatdaxili intriqalardan sonra Həsənov Araz radiosunda Sputnik üçün yer (setka) ayıra bildi. Sputnikin mərkəzi ofisi Əli Həsənovla birlikdə yaradıcı kollektivin orijinallığını və tənqid azadlığını hər cür məhdudlaşdırır, daxili problemlərin kəskinləşməsinə diqqət yetirirdi.
Azərbaycan redaksiyaları bəzən erməni xidməti ilə əlbir olaraq Əliyev hakimiyyətinə qarşı çıxırdılar. 44 günlük müharibədə də Azərbaycan “Sputnik Azərbaycan”ın əsl üzünü gördü.
Misal üçün, 2019-cu ildə Sputnik Azərbaycan öz səhifələrində fəryad dolu başlıqlı analitik yazı dərc etdi:
“İnqilabi dəyişikliklər ərəfəsində: hər şey hazırdır, yalnız səylər qalır”…
Bütün qeyd olunanları nəzərə alaraq bu nəticəyə gəlmək olar ki, anti- Azərbaycan təbliğatı aparan, o cümlədən Əli Həsənovun şəxsi ideyalarını həyata keçirmək üçün fəaliyyət göstərən “Sputnik Azərbaycan”ın fəaliyyəti ölkəmizdə dayandırılmalıdır.(Bizim.Media)
DOSYE.ORG
COMMENTS