Bakı Şəhər İcra Hakimiyyəti (BŞİH) hüquqşünasların mitinqinə icazə verməyib.
Bu barədə bu gün, noyabrın 15-i hüquqşünas Samirə Ağayeva ToplumTv-yə məlumat verib.
O bildirib ki, hüquqşünasların “Vəkillər və vəkillik fəaliyyəti haqqında” Qanuna dəyişikliklərin edilməsinə etiraz mitinqi məqsədəuyğun sayılmayb: “Məktubda mitinqin məqsədəuyğun olmadığı qeyd edilib:
“Cavabla bağlı mütləq məhkəməyə müraciət edəcəyik. Çünki bu, “Sərbəst toplaşma azadlığı haqqında” Qanunun tələblərinə ziddir”.
“İcazəsiz piket və ya aksiya keçirəcəksinizmi?” sualına hüquqşünas belə cavab verib: “Bunu müzakirə edəcəyik. Əslində, icra hakimiyyətinə xəbərdarlıq da etmişik. Amma məsələni müzakirə edib qərar verəcəyik”.
Milli Məclisin oktyabrın 31-də keçirilən iclasında Mülki Prosessual, İnzibati Prosessual məcəllələrə və “Vəkillər və vəkillik fəaliyyəti haqqında” Qanuna dəyişikliklər müzakirəyə çıxarılıb və layihə səs çoxluğu ilə qəbul edilib.
Praktik hüquqşünasların işçi qrupu isə noyabrın 4-də bu qanun layihəsinə etiraz edərək mitinq qərarı verib.
Noyabrın 7-də Prezident İlham Əliyev qanun layihəsini imzalayıb.
Bununla da Azərbaycanda nümayəndəlik institutunun ləğvi yanvarın 1-dən rəsmiləşdirilib.
Noyabrın 15-də isə hüquqşünaslar Bakı Şəhər İcra Hakimiyyətiə mitinqə yer ayrılması ilə bağlı müraciət ünvanlayıblar.
Müraciətə isə müsabət cavab verilməyib.
Dosye.org
COMMENTS