Almaniya II Bundesliqasında 12-ci turun oyunları keçirilir.
Qol.Az-ın məlumatına görə, millimizin üzvü Dmitri Nazarovun şərəfini qoruduğu “Karlsrue” bu tur öz meydanında “Kayzerslautern”lə qarşılaşıb.
Turnir cədvəlinin qonşu pillələrində qərarlaşan komandaların dueli maraqla gözlənilirdi. Bu görüşdə 2:0 hesabı ilə qalib gələn “Karlsrue” rəqibi ilə xalların sayını bərabərləşdirib.
Start heyətində meydana çıxan Nazarov matçın ilk hissəsinə əlavə edilmiş 1-ci dəqiqədə penaltidən fərqlənib. Millimizin futbolçusu görüşə əlavə edilmiş 2-ci dəqiqədə əvəzlənib.
Qeyd edək ki, “Karlsrue” klubu 12 turdan sonra 15 xalla turnir cədvəlinin 12-ci pilləsində qərarlaşıb.
24 oktyabr
Almaniya II Bundesliqası, 12-ci tur
“Karlsrue” – “Kayzerslautern” – 2:0
Qollar: Nazarov, 45+1-pen (1:0), Promel, 48 (2:0)
COMMENTS