Londonda keçirilən hərraclarda Brent neftinin qiyməti bir barelə görə 44 dollardan aşağı düşüb.
Oxu.Az hərracların son nəticələrinə istinadən xəbər verir ki, Brent markalı neftin dekabr fyuçeslərinin qiyməti 0,32 dollar (0,73%) ucuzlaşaraq bir barelə görə 43,74 dollar təşkil edib.
Nyu-Yorkun NYMEX əmtəə birjasında WTI neftinin dekabr fyuçeslərinin qiyməti 1,12 dollar (2,68%) azalaraq 40,63 dollar olub.
Neft kotirovkaları ABŞ-da artmaqda olan kommersiya ehtiyatları barədə məlumatların yayılmasından sonra ucuzlaşır.
Həftənin əvvəlindən Brent 7,8%, WTI isə 8,3% ucuzlaşıb.
COMMENTS