Bu gün Avropa Liqasında III təsnifat mərhələsinin cavab oyunları keçirilib.
Qol.az-ın məlumatına görə, turnirdə mübarizəni davam etdirən “Qəbələ” də növbəti oyununa çıxıb.
Roman Qriqorçukun komandası Bakıda Fransanın “Lill” komandasını qəbul edib.Qarşılaşma “Qəbələ”nin 1:0 hesablı qələbəsi ilə başa çatıb.
Bununla da “Qəbələ” tarixində ardıcıl üçüncü dəfə Avroliqanın pley-off mərhələsinə yüksəlib.
Futbol tariximizdə ilk dəfə olaraq məhz Qəbələ “böyük beşlik” ölkələrindən birinin təmsilçisini (Fransa) iki oyunun nəticəsinə əsasən, məğlub edərək mərhələ adlayan ilk klubumuz kimi tarixə düşüb
Qeyd edək ki, “Qəbələ” bu mərhələyə qədər Gürcüstanın “Samtredia”, Macarıstanın MTK klublarını mübarizədən kənarlaşdırıb.
4 avqust
Avropa Liqası
III təsnifat mərhələsinin cavab oyunu
21:00. “Qəbələ” (Azərbaycan) – “Lill” (Fransa) – 1:0
Qol: Filip Ovobiç, 33 (1:0)
İlk oyun – 1:1
Baş hakim: Aleksey Yeskov (Rusiya)
Baş hakimin köməkçiləri: Dmitri Mosyaqin, İqor Demeşko (hər ikisi Rusiya)
Dördüncü hakim: Vladimir Moskalev (Rusiya)
Bakı. 8-ci km qəsəbə stadionu
COMMENTS