“Qəbələ”nin rəqibi “Bayer”i məğlub etdi

Almaniya Bundesliqasında 5-ci turun  oyunları davam edir.

Qol.Az-ın məlumatına görə, “Qəbələ”nin Avropa Liqasının qrup mərhələsində rəqibi olan “Borussiya” da bu gün növbəti oyununu keçirib.

Dortmund klubu öz meydanında “Bayer”i (Leverkuzen) qəbul edib. Keçirdiyi 4 oyundan maksimum nəticə ilə ayrılan “Borussiya” bu görüşü də 3 xalla başa vurmaq niyyətində idi ki, istəyinə nail olub. Oyun meydan sahiblərinin 3:0 hesablı qələbəsi ilə yekunlaşıb.

Qeyd edək ki, bu qələbədən sonra xalını 15-ə yüksəldən “Borussiya” liderliyini qoruyub.