“Qarabağ”ın qapıçısı İspaniya ilə oyuna dəvət aldı

“Qarabağ”ın qapıçısı İbrahim Şehiç növbəti dəfə Bosniya və Hersoqovina millisinə dəvət alıb.

Qol.az-ın məlumatına görə, 28 yaşlı qolkiper baş məşqçi Mehmet Bazdareviçin 32 nəfərlik siyahısında yer alıb.

Bosniyalılar mayın 28-də İspaniya ilə yoxlama oyunu keçirəcək. Daha sonra Şehiçin komandası Yaponiyada keçiriləcək Kirin kubokunda iştirak edəcək.