Rövnəq Abdullayev: “Millinin baş məşqçisi əcnəbi olacaq”

“Berti Foks bizi pis vəziyyətə qoydu”

Azərbaycanın futbol üzrə millisinin yeni baş məşqçisi əcnəbi olacaq.

Qol.Az-ın Trend-ə istinadən yaydığı xəbərə görə, bunu cümə günü jurnalistlərə AFFA prezidenti Rövnəq Abdullayev deyib.

Onun sözlərinə görə, orta səviyyəli məşqçi ilə bir illik müqavilə bağlanacaq, bu yoxlanışdan sonra qərar veriləcək: “Belə bir məsəl var, atları yarı yolda dəyişməzlər. Berti Foqts bizi pis vəziyyətdə qoydu. Yarı yolda qoyub getdi. İndi yeni baş məşqçi ilə bağlı fikirləşirik”.

“Qarabağ”- “Dnepr” oyununu şərh edərkən isə R.Abdullayev deyib ki, “Qarabağ” yaxşı oynadı, sadəcə bəxti gətirmədi.