28 yaşlı Musayev barəsində həbs qəti imkan tədbiri seçilib.
Rusiyanın Sankt-Peterburq şəhərində qaydasız döyüşçü Freyzer ləqəbli İvan Staninin qətlində şübhəli bilinən Eldar Musayev saxlanılıb.
ANS PRESS-in məlumatına görə, 28 yaşlı Musayev barəsində həbs qəti imkan tədbiri seçilib. Hazırda istintaq Musayevin 20 yaşlı döyüşçü Freyzeri hansı səbəbə görə qətlə yetirdiyini araşdırır.
Daha əvvəl Musayevin adı istintaq işində avtomobil “razborka”larinda iştirakçı kimi hallanıb. Məhz belə “razborka”lardan birində İvan Stanin bıçaqla ölümcül xəsarətlər alıb.
Şübhəli şəxs könüllü olaraq öz vəkilinin müşaiyəti ilə Sankt-Peterburqda polisə təslim olub və istintaq zamanı həbs edilib. İndi istintaq komitəsi hadisə zamanı onunla olan iki cinayətkarı da tapmağa çalışır.
Xatırladaq ki, qətl hadisəssi martın 30-da Peterburqda Şimal prospektində olub. 20 yaşlı idmançı bıçaq yaralarından hadisə yerində ölüb. Onun dostu, həmçinin döyüşçü Boris Kupryakov ağır halda reanimasiyaya yerləşdirilib. Fakt üzrə cinayət işi davam edir.
COMMENTS