Şirkət cavab verdi: “Sosial şəbəkədə yayılan görüntülər araşdırılır”

Bakının Yasamal rayonu Alatava ərazisində sakinlərin narazılığı ilə nəticələnən olayla bağlı araşdırma aparılır.

DOSYE.ORG xəbər verir ki, bu barədə Teleqraf-ın sorğusuna cavab olaraq “Meliss Park” şirkətindən bildirilib.

“Məsələ ilə bağlı aidiyyəti bölməyə məlumat verilib. Hazırda hadisə ilə bağlı araşdırma aparılır. Bu barədə əlavə məlumat veriləcək”, – açıqlamada qeyd olunub.

Qeyd edək ki, sosial şəbəkələrdə “Meliss Park”ı təmsil edən şəxslərin həmin ərazidə sakinlərin razılığı olmadan bir evi sökdüyü görüntülər yayılıb.