“Sumqayıt” axır ki, qələbə qazandı

Bu gün Misli Premyer Liqasında 26-cı tura yekun vurulur.

QOL.az xəbər verir ki, son oyun günündə iki görüş keçirilir.

Əvvəlcə “Sumqayıt” “Kəpəz”i qəbul edib. Görüş meydan sahiblərinin 3:0 hesablı qələbəsi ilə başa çatıb.

Beləliklə, “Sumqayıt” 25 xalla 8-cidir. “Kəpəz” isə 22 xalla 9-cu yerdə qərarlaşıb.

Qeyd edək ki, “Sumqayıt”ın Misli Premyer Liqasında sonuncu qələbəsi 16-cı turda “Neftçi” üzərində (2:0) olmuşdu.

Bu gün “Neftçi” – “Turan Tovuz” matçı da keçiriləcək.

10 mart

17:00. “Sumqayıt” – “Kəpəz” – 3:0 

Qol: Roi Kehat, 20, 51, Nihad Əhmədzadə, 90+3

Hakimlər: İnqilab Məmmədov, Namik Hüseynov, Rahil Ramazanov, Elçin Məsiyev.

VAR: Nicat İsmayıllı.

AVAR: Teymur Teymurov.

Mehdi Hüseynzadə adına Sumqayıt şəhər stadionu

19:30. “Neftçi” – “Turan Tovuz”

Hakimlər: Rəvan Həmzəzadə, Cəmil Quliyev, Zöhrab Abbasov, Kamran Əliyev.

VAR: Rauf Cabarov.

AVAR: Akif Əmirəli.

“Neftçi Arena”

8 mart

“Araz-Naxçıvan” – “Qarabağ” – 1:3

9 mart

“Şamaxı” – “Sabah” – 1:0

“Zirə” – “Səbail” – 1:0