Türkiyə mətbuatı “Qarabağ” ın tarixi qələbəsindən yazdı

“Qarabağ”ın Avropa Liqasının qrup mərhələsinin üçüncü turunda səfərdə “Dnepr”i məğlub etməsinə Türkiyə mətbuatı da biganə qalmayıb.

Qol.Az-ın məlumatına görə, ölkənin “NTV Spor” telekanalının saytı, “Doğan” və “Cihan” xəbər agentlikləri, sporx.com, cumhuriyet.com.tr, haber3.com, haberciniz.com saytları Ağdam təmsilçisinin Ukraynadakı zəfəri barədə yazıblar.

Türkiyə KİV-ləri “Qarabağ”dan tarixi qələbə” başlıqlı xəbərdə komandanın bu qələbə ilə qrupda ikinci pillədə yüksəldiyini qeyd ediblər.

Xatırladaq ki, “Dnepr”i məğlub edən “Qarabağ” Avroliqanın qrupunda qələbə qazanan ilk Azərbaycan klubu olub.