Ukraynanın bu şəhəri uğrunda şiddətli döyüşlər gedir

Severodonetsk istiqamətində Rubejnoe uğrunda döyüşlər davam edir. Eyni zamanda, düşmənin Voevodovkaya hücum etmək cəhdi uğursuz olub.

Axar.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Qeyd olunur ki, ruslar Donetsk və Luqansk vilayətlərinin ərazisinə tam nəzarəti bərqərar etmək və bu ərazilərlə Krım arasında quru dəhlizini saxlamaq məqsədilə Ukraynanın şərqində hücum əməliyyatları aparır.

“Severodonetsk istiqamətində Rubejnoe uğrunda döyüş davam edir. Düşmən taktiki mövqeyini yaxşılaşdırmağa, şəhəri ələ keçirməyə və Severodonetsk yaşayış məntəqələri istiqamətlərində hücum əməliyyatlarının daha da inkişafı üçün əlverişli şərait yaratmağa çalışır. O, Voevodovka kəndinə hücum etmək üçün uğursuz cəhd etdi. Heç bir uğur qazanmadı. Əvvəlki mövqeyinə geri çəkildi”, – məlumatda bildirilib.