Unibank müştərisini aldatdı: — “Taksitkart fırıldağı”

Vətəndaş Mərziyyə Məmmədova Unibank tərəfindən istehlakçı hüquqlarının pozulduğunu deyir.

Aktual.az xəbər verir ki, bu barədə xanım öz “facebook” səhifəsində qeyd edib. O bildirib ki, Unibankdan aldığı taksit kartının xidmətlərində adı qeyd olunan mağazada alış-veriş etmək istəyərkən mağaza bundan imtina edib. Əsas gətirilib ki, Unibankın taksit kartı ilə alış-veriş etmək bu mağazada mümkün deyil. Şikayətçi isə qeyd edir ki, kartı əldə edərkən həmin mağazanın adı siyahıda olub.

Unibank xanımın “facebook”da yazdıqlarına cavab olaraq qeyd edib ki, məsələ araşdırılır.