Azərbaycan Dövlət İqtisad Universitetinin (ADİU) yeni rektoru Ədalət Muradovun tapşırığı ilə ADİU-nun sabiq rektoru (2004-2014), Milli Məclisin elm və təhsil komitəsinin sədri Şəmsəddin Hacıyevin müdiri olduğu beynəlxalq iqtisadi münasibətlər kafedrası metronun “İçərişəhər” stansiyası yaxınlığında yerləşən universitetin əsas binasından çıxarılıb.
Publika.az-ın əldə etdiyi məlumata görə, hazırda beynəlxalq iqtisadi münasibətlər kafedrası Dövlət İqtisad Universitetinin “Gənclik” korpusunda fəaliyyət göstərir.
Xatırladaq ki, Prezident İlham Əliyevin 5 mart 2014-cü il tarixli sərəncamı ilə Şəmsəddin Hacıyev Azərbaycan Dövlət İqtisad Universitetinin rektoru vəzifəsindən azad edilib.
COMMENTS