Millinin oyununa görə Topaz Premyer Liqasında fasilə yaranıb. Fanat.az хəbər verir ki, fasilədən yararlanan “Qarabağ” bu gün yoхlama oyunu keçirib.
Qurban Qurbanov yetirmələrini Bakıda təlim-məşq toplanışında olan 21 yaşədək futbolçulardan ibarət milli komandamızla oyunda sınayıb. Oyun “Qarabağ”ın 3:2 hesablı qələbəsi ilə yekunlaşıb. Hesabı 8-ci dəqiqədə milli komandadan Seymur Əsədov açıb. 4 dəqiqə sonra “Qarabağ”ın yeni transferi Dani Quintana bərabərlik qolunu vurub. 18-ci dəqiqədə İlqar Qurbanov, 67-ci dəqiqədə isə Leroy Corc U-21-i məyus edib. 89-cu dəqiqədə isə Samir Məsimov son nöqtəni qoyub.
Qeyd edək ki, U-21 bundan əvvəl AZAL-la yoхlama oyunu keçirib və 0:3 hesabı ilə uduzub.
Yoхlama oyunu
26 mart
Qarabağ – Azərbaycan (U-21) 3:2
Qollar: Dani Quintana, 12. İlqar Qurbanov, 18. Leroy Corc, 67 – Seymur Əsədov, 8. Samir Məsimov, 89.
“Bakı”nın təlim-məşq bazasının stadionu.
COMMENTS