Ağsu sakinləri dövlət başçısına və digər qurumlara üz tutdu- ŞİKAYƏT VAR

Ağsu sakinləri dövlət başçısına və digər qurumlara üz tutdu- ŞİKAYƏT VAR

Azərbaycan Respublikasının Prezidenti cənab İlham Əliyevə,

Azərbaycan Respublikasının 1-ci vitse-prezidenti xanım M.Əliyevaya,

Azərbaycan Respublikasının Baş  Naziri cənab Əli Əsədova,

AR-nın Prezidentinin hüquq işləri üzrə köməkçisi cənab F.Ələsgərova,

 Azərbaycan Respublikasının Baş Prokuroru cənab Zakir Qaralova,

 Azərbaycan Respublikasının Daxili İşlər naziri cənab V.Eyvazova,

 Azərbaycan Respublikasının Fövqəladə Hallar naziri K.Heydərova,

 Azərbaycan Respublikasının Maliyyə Naziri cənab S.Şərifova,

 Azərbaycan Respublikasının Hesablama Palatasının sədrinə,

Ombudsman Aparatının rəhbərinə,            

Mətbuat orqanlarına,

DİN-nin Baş İstintaq və Təhqiqiat İdarəsinin rəisi cənab Emil Usubova,

Daxili İşlər Nazirliyinin Baş Mütəşəkkil Cinayətkarlığa qarşı Mübarizə İdarəsinə,

 Ağsu Rayon Prokurorluğuna və  Polis Şöbəsinin  rəisinə,

Ağsu rayonu, Kalva kəndində yaşayan Hacıyev Asəf Ağasan oğlu, Hacıyeva Gülsənəm Qaçay qızı və Ağaliyeva Gülurə Ağasan qızı tərəfindən

“Zəlzələdən sonra yaşamaq üçün tam yararsız vəziyyətə düşən evlərimizin bərpa edilməsi üçün ayrılan vəsaitin yerli məmurlar tərəfindən ayrıseçkilik edilərək qohum-qardaşlarına verilməsindən”

Ş  İ  K  A  Y  Ə  T    Ə  R  İ  Z  Ə  S  İ

Biz Ağsu rayonun kalva kənd sakinləri ömrümüz boyu bu kənddə yaşamışıq. 2018-ci ildə baş vermiş məlum zəlzələ zamanı kəndimizdə əsasən köhnədən tikilmiş evlərin divarlarında iri çatlar əmələ gəlmiş, pol sınmış, binövrə daşları uçub daxilə tökülmüş, yaşamaq üçün yarasız vəziyyətə düşmüşdür. Məsələn, mən Hacıyeva Gülsənəmin evi 1946-cı ildə sementsiz, torpaq və taxta materialı istifadə edilməklə daş hörgüsüilə tikilmişdir.Ona görə evimizin dörd tərəfindən çatlar əmələ gəlmiş və yaşamaq üçün yarasız vəziyyətə düşmüşdür.

Mən, Hacıyev Asəfin evinin zirzəmisində kürsü daşları uçaraq daxilə tökülmüşdür. Sanki ev havada qalıb,  divarda çoxsaylı çatlar əmələ gəlmişdir.

Mən, Ağaliyeva Gülurənin evinindivarları pəncərə və giriş qapısı istiqamətində çatlar əmələ gəlmiş, döşəmə sınıb-sökülüb zirzəmiyə düşmüşdür.

Evlərimiz qəzalı vəziyyətdə olduğundan uşaqlarla birlikdə qorxa qorxa yaşayırıq. Dəfələrlə kənd və rayon rəhbərliyinə məsələnin həlli üçün  xahişlər etsək də 1 ildən çoxdur ki, gəlib yerində maraqlanan yoxdur. Cavab verirlər ki, siyahıda adınız var. Təmir olunacaq. Lakin heç kim gəlmir, maraqlanmır. Amma eyni zamanda görürük ki, Kalva kənd icra nümayəndəsi Qədirov Cavid, müavini Əfəndiyev Vüqar ( müxalifətin kənd üzrə gizli nümayəndəsi) Ağsu rayon İcra Hakimiyyəti Aparatının işçisi olan İzay İnayətov( müxalifətçi Vüqar Əfəndiyevin qohumu) əvvəlcə özlərinə məxsus topdaöıtmaz kiçik villalarını təmir etdirdikdən sonra Cavid Qədirov özünə yaxın adamların – dədəsi Qədirov Əlistanın, əmisi Qədirov Talıstanın, qudası Niştayev Əhsanın, digər qudası Hilala təzə tikilib təmir olunan  evlərini ehtiyac olmadığı halda yenidən dövlət vəsaiti ayırıb təmir etdirir. Hətta iş o yerə çatıb ki, yerli məmurlar yalnız özlərinə və qohum əqrəbalarına aid evləri təmir etdirməklə yanaşı Cavidin dostu olan Əjdərin də evini əsaslı təmir etməklə yanaşı, həyətində yeni bir irihəcmli talvar da tikdirib. Hesab edirk ki, yerli dövlət məmurlarının bu hərəkəti iqtisadi əxlaqsızlığın son həddidir. Qəzalı vəziyyətə düşən kasıb sakinlərin evlərinin bərpası üçün dövlətimiz tərəfindən ayrılan külli-miqdarda vəsait kənd icra nümayəndəsi Cavid və qohum-əqrəbaları arasında pay-mal edilib talan edilmişdir. Nəticədə yerli məmurların özbaşnalığı biz sadə insanları dövlətdən məqsədli şəkildə narazı salırlar. Odur ki, cənab Prezident Sizdən çox xahiş edirk ki, bizim kəndimizdə özlərini ramiz tatarovlar, nizaməddinlər kimi aparan korrupsiyalaşmış məmurlar barəsində aidiyyatı orqanlara dərhal tədbir görülməsi, və bizim yaşaması mümkün olmayan evlərimizə FHN-nin komissiyasının baxış keçirib təmir olunması üçün vəsait ayrılmasına göstəriş verəsiniz. Sağ olun

REDAKSIYADAN: Redaksiyamıza ünvanlanan şikayət məktubunda adı hallanan şəxslərin mövqeyini dərc etməyə hazırıq.

DOSYE.ORG

COMMENTS