Bu gün “Kənd təsərrüfatı torpaqlarının ekoloji qiymətləndirilməsinin regionların inkişafında və ekoloji balansın qorunmasında rolu” mövzusunda beynəlxalq elmi konfrans keçirilib.
Tədbir Azərbaycan Milli Elmlər Akademiyası Aqrar Elmlər Bölməsi, Yaponiya Beynəlxalq Əməkdaşlıq Agentliyi (YBƏA) və Azərbaycan Torpaqşünaslar Cəmiyyətinin birgə təşkilatçılığı ilə baş tutub.
“Hyatt Regency” otelində keçirilən elmi konfransı giriş sözü ilə açan Aqrar Elmlər Bölməsinin akademik-katibi, akademik Qərib Məmmədov tədbir iştirakçılarına respublikamızda aqrar siyasətin inkişaf tarixindən, müasir müstəqil dövlətimizin qurucusu, ulu öndər Heydər Əliyevin bu sahədəki xidmətlərindən, Azərbaycan Respublikası Prezidenti cənab İlham Əliyevin ölkəmizdə əhalinin ərzaq təhlükəsizliyinə və regionların sosial-iqtisadi inkişafına dair gördüyü işlərdən bəhs edib.
Sonra akademik Qərib Məmmədov kənd təsərrüfatı torpaqlarının ekoloji qiymətləndirilməsinin regionların inkişafında və ekoloji balansın qorunmasında rolundan danışaraq bildirib ki, ekoloji qiymətləndirmə zamanı torpaq humusunun miqdarı, onun qranulometrik tərkibi, əkin qatının strukturu və sıxlığı kimi vacib diaqnostik əlamətləri ilə yanaşı, torpağın zərərli bitkilərlə çirklənmə dərəcəsi, əkin sahəsinin məhsuldarlığı və torpaqdan istifadəyə imkan verməyən ekoloji amillər də nəzərə alınmalıdır.
Daha sonra elmi konfransda Akademiyanın Genetik Ehtiyatlar İnstitutunun direktoru, AMEA-nın müxbir üzvü Zeynal Əkpərov, Torpaqşünaslıq və Aqrokimya İnstitutunun direktoru vəzifəsini icra edən, aqrar elmlər üzrə elmlər doktoru Əlövsət Quliyev, Eroziya və Suvarma İnstitutunun elmi işlər üzrə direktor müavini, aqrar elmlər üzrə fəlsəfə doktoru Zakir Əliyev, YBƏA-nın Azərbaycan üzrə proqram koordinatoru Nigar İsmayılova, YBƏA-nın Özbəkistandakı ofisinin nümayəndəsi Fərxod Qurbanov, “AqriBioEkoTex” müəssisəsinin prezidenti, texnika elmləri üzrə fəlsəfə doktoru Əlibala Əlizadə və digər natiqlər çıxış edib mövzu ətrafında fikir mübadiləsi aparıblar.
AMEA Rəyasət Heyəti aparatının
İctimaiyyətlə əlaqələr və elmin
populyarlaşdırılması idarəsinin
İctimaiyyətlə əlaqələr şöbəs
COMMENTS