Belə ki, beşinci çağırış Milli Məclisin deputatı olmuş Mahir Aslanov seçkilərdə iştirakdan imtina edib.
Bu barədə Modern.az-a 96 saylı Goranboy – Naftalan seçki dairəsinin sədri Arif Abbasov məlumat verib.
DSK sədri budəfəki seçkilərdə Mahir Aslanovun yerinə səlahiyyətli nümayəndəsinin imzatoplama sənədlərini gətirib təhvil verməsinə də münasibət bildirib:
“Mahir Aslanov deputatlığa namizədliyini irəli sürməyib. Həmçinin, onun səlahiyyətli nümayəndəsi də sənədlərini gətirib DSK-ya verməyib. Deyilən sözlər yalandır”.
Arif Abbasovun sözlərinə görə, indiyə kimi 15 nəfər deputatlığa namizədliyini irəli sürüb:
“Yalnız 2 nəfərin deputatlığa namizədliyi qeydə alınıb”.
Qeyd edək ki, Mahir Aslanov dördüncü və beşinci çağırış Milli Məclisin deputatı olub.
O, heç bir partiyanın üzvü deyil, bitərəfdir.
Beşinci çağırış Milli Məclisin deputatı olan Müslüm Məmmədov da fevralın 9-da keçiriləcək növbədənkənar parlament seçkilərində iştirak etməyəcək.
Bu barədə Modern.az-a açıqlamasında Müslüm Məmmədov özü məlumat verib.
O, bildirib ki, əvvəl seçkilərdə iştirak etmək qərarını vermək istəsə də, sonradan fikrindən vaz keçib:
“Növbədənkənar parlament seçkilərində iştirak etməyəcəm”.
Qeyd edək ki, beşinci çağırış Milli Məclisin deputatı olmuş Müslüm Məmmədov 57 saylı Kürdəmir seçki dairəsindən deputat seçilmişdi.
O, heç bir partiyada təmsil olunmur, bitərəfdir.
DOSYE.ORG
COMMENTS