İran Rusiya ilə İŞİD-ə qarşı birgə əməliyyatlara başlayacaq

İran və Rusiya İraqda İŞİD ilə mübarizə üçün birgə əməliyyat qərargahı yaradıb.

“Trend”-in məlumatına görə, bu barədə İranın “Tasnimnews” xəbər saytı iraqlı mənbəyə istinadən xəbər verir.

Məlumata əsasən, iranlı və rusiyalı hərbi ekspertlər iraqlı komandirlərə İŞİD ilə mübarizədə yardım edir: “Rusiya və İrandan 60-dan çox hərbi ekspert İraqın paytaxtı Bağdadda “Əl-Rəşid” hotelində birgə əməliyyat qərargahı yaradıblar”.