Azerinfo.az xəbər verir ki, Səfərbərlik və Hərbi Xidmətə Çağırış üzrə Dövlət Xidmətinin Bərdə Rayon Şöbəsi nitq qüsurlu və himayəsində iki azyaşlı övladı olan, 1996-ci il təvəllüdlü Bərdə rayon sakini Baxşəliyev Aydın Əzim oğlunu 2022-ci ilin aprel ayı hərbi xidmətə göndərdi.
Hal-hazırda Baxşəliyev Aydın “N” saylı hərbi hissədə xidmət edir.
Bu barədə redaksiyamıza daxil olan şikayətlə əlaqədar Aydının atası ilə görüşüb, özü ilə isə əlaqə saxladıq.
Aydının atası Əzim Baxşəliyev iddia edir ki, oğlu 44 günlük Vətən müharibəsində iştirak etmək üçün Səfərbərlik və Hərbi Xidmətə Çağırış üzrə Dövlət Xidmətinin Bərdə Rayon Şöbəsinə müraciət edib, amma oradan “O, xəstə (yararsız) olduğu üçün onu aparmadığını”- bildirdilər.
O, əlavə edir ki, sözügedən şöbədən məndən oğlumu hərbi xidmətə aparılmaması üçün pul istədilər və mən də onlarla razılaşmadığım üçün, onlar bu addımı atıb övladımı bu ilin aprel ayı hərbi xidmətə yolladılar.
Sonra biz Aydın Baxşəliyevlə də telefon vasitəsilə əlaqə saxladıq və ondan əldə etdiyimiz məlumata görə, Aydın anadan gəlmə nitq qüsurludur (yəni, güclə danışır). Hətta onunla danışan zaman biz bunun şahidi olduq.
Qarşı tərəfi dinləməyə hazırıq…
COMMENTS