İngiltərənin “The İndependent” qəzeti sensasion iddia irəli sürüb. Avropa.info xəbər verir ki, qəzet Türkiyənin Suriyada tələb etdiyi təhlükəsiz zona yaratmaq üçün ilk addımı atdığını və Azez şəhəri ətrafına yerləşəcək türkmən qüvvələrinin Suriyaya girişinə yardımçı olduğunu yazıb.
Məlumata görə, Türkiyə ordusu türkmən döyüşçüləri zirehli vasitələrlə müşayiət edərək Bab Əl Salam üzərindən Azeze şəhərinə girib düşərgə qurmalarına yardımçı olub.
Bab Əl Salam Kilis Öncüpınar sərhəd qapısının Suriya tərəfində yerləşir.
Türkiyənin türkmənləri bölgəyə yerləşdirilməsindən yazan qəzet, bunu Türkiyənin ilk dəfə olaraq Suriya ərazisinə müdaxiləsi kimi qiymətləndirir. Qəzetin iddiasına görə, Türkiyənin son addımı kürdlərlə etnik münaqişəyə səbəb ola bilər.
“Türkmən liderlər minlərlə türkmənin şimali Suriyadakı evlərindən kürdlər tərəfindən zorla çıxardığını və bəzilərinin IŞİD nəzarətindəki bölgələrə getmək məcburiyyətində qaldığını deyir.”
Yazıda Tel Abyadın keçmiş bələdiyyə şurasının üzvü Əhməd əl-Hacın fikirlərinə yer verilib:
“Keçən ay Rakkanın şimalındakı yüksək səviyyəli bir kürd komandir Türkmənlərə “Ərazidən çıxıb getməsəniz evləriniz və məktəbləriniz koordinatlarını IŞİD əleyhinə olan koalisiya qüvvələrinə
verəcəyik” dedi. Təhdidləri işə yaradı, insanlar evlərini tərk edib getdi””.
Qəzetin yazdığına görə, türkmənlər iyun ayının sonundan etibarən PKK-nın Suriya qolu YPG tərəfindən 5 min nəfərin öz ata-baba yurdlarından çıxarıldığını deyirlər. Məlumatlara görə, daha 8 min türkmən torpaqlarını tərk edərək, İŞİD-in nəzarətindəki Rakka şəhərinə doğru gediblər.
Türkmənlərin Türkiyənin “bufer zona” ideyasını dəstəklədiyi bildirilən yazıda Suriya Türkmən Məclisi sədri Abdürrahmən Mustafanın bu sözləri yer alır:
“Bu çox önəmli bir fürsətdir. Təhlükəsiz zonanın yaradılması üçün iki ildir ki çağırış edirik . Əgər daha əvvəl tətbiq olunmuş olsaydı insanlar Əsədin çən bombalarından qurtula bilərdi. Türkmənlər artıq PKK-dan da, İŞİD-dən də bezib.”
Türkiyənin Suriya siyasətini “İndependent” qəzetinə şərh edən İngiltərədən bir diplomatın sözləri də xəbərdə yer alır:
“PKK-nın hücumları oda benzin tökür. Amma türklərin təmkinli olmaları üçün çalışırıq. Amerikalılar qətiyyətlə YPG-yə dəstək vermək fikirindədir.”
Qəzetə danışan ingilis diplomata görə, Azez bölgəsində onsuz da gərgin olan etnik münasibətlərə türkmən qüvvələrinin göndərilməsinə yardımçı olmayacaq.
Qəzetin yazdığına görə, Türkiyə ABŞ-ın xəbəri olmadan Suriyaya girib.
COMMENTS