Türkiyə Xarici İşlər Nazirliyinin sözçüsü Tanju Bilginc Rusiyanın başqalarına insan hüququ dərsi keçməyə çalışmasının “qara yumor” nümunəsi olduğunu deyib.
Avropa.info xəbər verir ki, Bilginc Rusiya xarici işlər nazirliyinin Türkiyənin PKK-ya qarşı apardığı əməliyyatlarla bağlı verdiyi bəyanat haqqında danışıb.
Tanju Bilginc deyib: “Demokratiya, hüquqi dövlət və insan haqları mövzusunda kimliyi hamıya yaxşı məlum olan, beynəlxalq hüququ açıq şəkildə pozaraq Ukrayna və Gürcüstan kimi qonşu ölkələrdə birbaşa müharibə yolu ilə etdikləri bütün dünyada hiddət doğuran, Suriyada əli qanlı diktatorun bəşəriyyətə qarşı törətdiyi dəhşətli cinayətlərə hər cür siyasi və hərbi dəstəyi təmin edən və son olaraq yüzlərlə mülki vətəndaşın ölümünə səbəb olan bombardmanları həyata keçirən bir ölkənin başqalarına insan hüququ dərsi verməyə çalışması yalnız qara yumor nümunəsidir”.
COMMENTS